Даслаць навіну
Знайсці
09.12.2019 / 17:13 22

Аўтарка скандальнай брашуры «10 прычын захаваць цнатлівасць» патлумачыла, што мела на ўвазе

Брашурка пабудаваная па прынцыпе 10 тэзісаў, якія тлумачаць, чаму дзяўчынцы неабходна захоўваць цнатлівасць да шлюбу. 

Некаторыя пункты гэтай брашуры выклікалі ў інтэрнаўтаў змяшаныя пачуцці.

Напрыклад, пункт пра тое, што будучы муж будзе абражаць сваю жонку, гаварыць, што яна дрэнная гаспадыня, але ў адсутнасці цнатлівасці абвінаваціць не зможа. «Гэта ўжо штосьці!» — чытаем у брашуры.

Павялічыць выяву

Павялічыць выяву

Павялічыць выяву

«Наша Ніна» папрасіла аўтарку брашуры Вераніку Сярдзюк, старшыню грамадскай арганізацыі «Цэнтр падтрымкі сям’і і мацярынства «Матуля», расказваць пра свой тэкст.

Павялічыць выяву

Вераніка Сярдзюк.

«Асноўны напрамак дзейнасці нашай арганізацыі — гэта прадухіленне абортаў, захаванне сям’і. Я лічу, што мы ўжо 8 год, а менавіта столькі існуе наш цэнтр, робім вялікую справу — ратуем дзяцей, якія яшчэ не нарадзіліся. І ў межах гэтай ідэі мы працуем з падлеткамі, бо калі жанчына ўжо трапляе ў абартарый, гутарыць з ёй позна. Таму мы праводзім асветніцкія мерапрыемствы і з дзяўчынкамі, якім толькі споўнілася 14 гадоў. І вось гэтая брашура менавіта для падлеткаў», — расказвае Вераніка Сярдзюк.

Зараз, прызнаецца Вераніка, брашуру гэту цэнтр ужо не распаўсюджвае.

«Не, не таму што я змяніла нейкія свае погляды, а проста з’яўляюцца новыя тэмы, па-іншаму падаецца матэрыял. Напрыклад, наш новы буклет называецца «Цнота». Ён на беларускай мове і цалкам складзены з фальклорнага матэрыялу, у якім падкрэсліваюцца сямейныя каштоўнасці».

«Я — жонка праваслаўнага святара. І я нават не магу ўявіць, што буду штосьці казаць супраць цнатлівасці. Хоць я і культуролаг, і старшыня грамадскага аб’яднання, але ўсё адно мяне ўспрымаюць як голас царквы», — прызнаецца Вераніка.

Сярдзюк прыгадвае, што перад тым, як надрукаваць буклет, арганізацыя правяла апытанне сярод падлеткаў 14-16 гадоў пра тое, ці гаварылі з імі бацькі пра першы сэксуальны досвед.

«У 15% выпадкаў бацькі гаварылі з дзецьмі на гэтую тэму, нават далі дзецям кантрацэптывы. У 10% выпадкаў бацькі тлумачылі дзецям, што нельга займацца сэксам да шлюбу, у 75% бацькі наогул не гаварылі з дзецьмі на гэтую далікатную тэму. Таму мы і вырашылі, што пры дапамозе сваёй брашуры раскажам падлеткам пра тое, як важна захоўваць цнатлівасць».

«Брашура не забараняе, яна прымушае задумацца, а ці варта яно таго. І адмова ад палавога жыцця ў падлеткаў — гэта 100% гарантыя захавання здароўя», — лічыць Вераніка Сярдзюк.

А наконт пытання, чаму брашурка адрасаваная толькі дзяўчынкам, Вераніка патлумачыла:

«Прымаюць рашэнне аб уступленні ў блізкія адносіны ў асноўным жанчыны. І наступствы блізкасці ў большай ступені тычацца жанчын — мужчына ж не зацяжарыць».

«Наша арганізацыя за тое, каб людзі ўступалі ў інтымныя адносіны толькі тады, калі змогуць несці за гэта поўную адказнасць. Да таго ж дзяўчынкі часцей траўмуюцца падчас інтымнай блізкасці, чым хлопчыкі. Хлопчыкі траўмуюцца падчас гомасэксуальнага палавога акту. Я не буду ўдавацца ў медыцынскія падрабязнасці, але так яно і ёсць. Таму задача нашай арганізацыі — інфармаваць і бацькоў у тым ліку, каб гутарылі са сваімі дзецьмі і на гэтыя тэмы», — расказвае Вераніка Сярдзюк.

На цяперашні момант у арганізацыі працуюць толькі з дзяўчынкамі.

«Хоць ўсё больш бацькоў просяць праводзіць заняткі па палавым выхаванні і для хлопчыкаў. Хаця з нашага досведу працы магу сказаць, што хлопчыкі больш цнатлівыя. Дзяўчынка, якая пачынае палавое жыццё ў падлеткавым узросце, робіць гэта не таму, што патрабуе цела, а таму, што блізкасці патрабуе душа. Такіх дзяўчынак не далюбілі дома, не дапесцілі, не дацалавалі, таму яны шукаюць усё гэта ў чужых мужчын», — перакананая Вераніка Сярдзюк.

Наталля Тур

5
Ліцьвін металіст / адказаць
12.12.2019 / 18:08
Ахінею нясе нейкую
4
Сусед / адказаць
28.12.2019 / 07:31
Что интересно, ...ди минусов понаставили, правда глаза колет!
9
american / адказаць
28.12.2019 / 08:28
Аляксандр comrade олько один четвертый аргумент имеет хоть какой-то смысл, остальное феерический религиозный бред. Да, и мужчины, которые ищут себе девственницу - обычно неуверенные в себе и закомплексованны. Девственница таким нужна именно потому, что ей не с кем будет их сравнить и для неё он конечно будет бог секса. А если ты у женщины десятый или пятнадцатый половой партнёр, то ей есть с кем тебя сравнить. Уверенные в себе мужчины наоборот хотят девушку с опытом, чтоб кое-что умела в постели, вообще-то женская матка хранит генетический код всех мужчин кто туда "заходил" . если ты хочешь чтобы твои дети несли ДНК информацию всех половых партнеров "девушки с опытом" , то вперед наслаждайся сравнивайся .
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2019 2020 2021
снежань студзень люты
ПН АЎ СР ЧЦ ПТ СБ НД
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31