Казахстан пакуль не прыступіў да перамоваў з «Транснафтай» пра транзіт нафты ў Беларусь
Мінэнерга Казахстана яшчэ не пачынала перамовы з «Транснафтай» пра транзіт сваёй нафты ў Беларусь праз сістэму расійскага аператара, паведаміў віцэ-міністр энергетыкі Асет Магауоў, піша Interfax.by.
«Цяпер пакуль чыгунка (як варыянт лагістыкі), а па трубаправодным транспарце трэба будзе з «Транснафтай» размаўляць. Мы пакуль яшчэ не пачалі. Тут галоўнае дамовіцца па ўмовах пастаўкі спачатку канцэптуальна — якія аб'ёмы, сістэмы кантролю, ўзгадненне балансу, а потым ужо размаўляць з расійскім бокам па транзіце», - сказаў Магауоў журналістам у кулуарах ўрада ў пятніцу.
«Я думаю, калі ў нас будзе дамоўленасць з беларусамі, то не павінна быць праблем (з транзітам праз РФ)», - дадаў ён.
Паводле яго слоў, папярэдне беларускі бок заявіў, што зацікаўлены ў імпарце каля 3,2-3,5 млн тон нафты і цёмных нафтапрадуктаў у год.
