Мужчыны ў Мінску скралі кавун і пабілі прадаўца ФОТА

Дваіх грамадзян шукаюць за напад на прадаўца гандлёвага пункта з садавіной каля прыпынку грамадскага транспарту «Вуліца Сямёнава», паведамляе міліцыя.

Мужчыны 14 верасня ўзялі з прылаўка кавун і пабеглі прэч. Прадавец кінулася ў пагоню. Аддаваць кавун яны не пажадалі — развіўся канфлікт. Адзін з фігурантаў некалькі разоў ударыў жанчыну рукой у твар, пасля чаго абодва зламыснікі схаваліся.

Мужчынам каля 45-50 гадоў, іх рост 175-180 см. Мажныя, у іх кароткія сівыя валасы. На адным былі белая майка, джынсы блакітнага колеру і карычневы абутак. На іншым — белая майка, блакітныя джынсы, цёмна-шэрая куртка і абутак светла-карычневага колеру.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0