Памочніца скрала ў пенсіянеркі 4 тысячы рублёў і купіла на іх тэлефоны і выпіўку

У міліцыю звярнулася 72-гадовая мінчанка, якая расказала, што ў яе з кватэры зніклі грошы. Жанчына жыла адна і ў сілу яе ўзросту на працягу некалькіх гадоў да яе прыходзіла памочніца, паведамляе прэс-служба сталічнай міліцыі.

У адзін з дзён, пакуль гаспадыня кватэры была на кухні, памочніца прыбіралася ў пакоі. Адкрыла тумбачку і ўбачыла кашалёк. Скарыстаўшыся сітуацыяй, дастала грошы, а кашалёк паклала назад.

Пасля заканчэння ўборкі пайшла дадому. Сума шкоды склала каля 4000 рублёў. Выкрадзеныя грошы патраціла на набыццё двух тэлефонаў і алкагольныя напоі.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0