У Фінляндыі на дом сталі дастаўляць грошы
Фота Ірыны Арахоўскай
Банк Nordea дастаўляе на дом наяўныя грошы сваім кліентам у некаторых гарадах Фінляндыі. Як кажа намеснік дырэктара па працы з кліентамі Яні Эларанта, грошы можна адправіць у паштовае аддзяленне, адкуль іх забярэ кліент, ці ж наяўныя даставяць проста на дом, паведамляе yle.fi.
— Тады грошы перадаюць адрасату асабіста ў рукі. Калі на дом заказваюць ежу, чаму б не замовіць грошы, — кажа Эларанта.
Нягледзячы на скарачэнне аб'ёму наяўных ў звароце, попыт на паслугі, звязаныя з наяўнымі, захаваўся. Дастаўка каштуе 10 еўра.
— На дом можна замовіць максімум 15 000 еўра. Кліентам зручна здымаць дробныя сумы ў банкамаце, але часам людзям патрэбныя вялікія сумы наяўнымі, - кажа Эларанта, які нагадвае, што гаворка пакуль ідзе пра эксперымент.
