Даслаць навіну
Знайсці
10.09.2019 / 17:11 1

У продажы з'явіўся фотаальбом «Палессе. Фотаздымкі з 1920-х і 1930-х»

Павялічыць выяву

Бездзеж (цяпер Драгічынскі раён). Як старыя, так і новыя хаты, асабліва большыя, маюць нізкую прызбу — земляную лаву. І на ёй садзяцца старыя людзі — для адпачынку, або забаўляюцца дзеці. Фота С. Бохніга.

Як ён з'явіўся ў продажы — гэта цэлая гісторыя.

Падрыхтавала выданне ў 1990-х польская этнограф Гражына Рушчык, тады ж ён і разышоўся ў вузкіх колах. У гэтай справе дапамагаў беларускі даследчык Хведар Клімчук. Ён памёр летась, і сваякі знайшлі ў яго заваленай матэрыяламі кватэры ў тым ліку тры пакункі з гэтымі альбомамі. Яны перадалі іх для продажу ў кнігарню «Акадэмкніга».

Гэта раскошны альбом, еўрапейская паліграфія. Ён складзены з матэрыялаў і здымкаў, зробленых у 1920-я і 1930-я рознымі этнографамі і фатографамі, што захаваліся ў архівах Беларусі, Польшчы і ЗША. 

Павялічыць выяву

Пастушкі граюць на дудках. Фота Г. Паддэмбскага.

Фота выбраныя з надзвычайным густам. Ты бачыш, ты адчуваеш гэтыя краявіды, а людзі глядзяць на цябе, нібы жывыя.

Павялічыць выяву

Бацька з сынам. Фота Ю. Шыманчыка.

256 старонак вялікага фармата ў цвёрдай вокладцы. Тэматычныя раздзелы: Край, Дом, Праца, Свята, Скон. Сярод фатографаў — Юзаф Абрэмбскі, Ян Булгак, Станіслаў Бохніг, Станіслаў Дваракоўскі, Казімір Машынскі, Казімір Мядзінскі, Гэнрык Паддэмбскі, Эдуард Фалькоўскі, Юзаф Шыманчык.

Павялічыць выяву

Калоды на магілах у вёсцы Багданаўка, Лунінецкі павет. Фота Яна Булгака.

Альбом, які варты таго, каб яго мела кожная беларуская сям'я. Прадаецца ён толькі ў кнігарні «Акадэмічная кніга» (праспект Незалежнасці, 72 каля метро «Акадэмія навук»).

Павялічыць выяву

NN.by

0
Мiця Выкручанскi / адказаць
12.09.2019 / 12:34
...бацька сына выбiу пасам !
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31