21-гадовы маладзён нагой разбіў камеру фотафіксацыі на МКАД. Удар ацанілі на 4300 рублёў

Здарэнне адбылося раніцай 19 мая на 32-м км МКАД. 21-гадовы хлопец у стане алкагольнага ап'янення ўдарыў нагой па мабільным датчыку кантролю хуткасці. У выніку ўдару камера фотафіксацыі хуткасці ўпала, а хлопец паспрабаваў пакінуць месца здарэння, паведамляе СК.

Аднак камеры знаходзяцца пад пастаянным наглядам супрацоўнікаў арганізацыі. Праз некалькі хвілін да маладога чалавека падышоў яе прадстаўнік і папрасіў заставацца на месцы, а сам патэлефанаваў у міліцыю. У выніку пашкоджанняў арганізацыі нанесена шкода на 4 300 рублёў.

Дзеянні абвінавачанага кваліфікаваны па ч.1 арт.339 (хуліганства) Крымінальнага кодэкса. Да яго ўжытая мера стрымання ў выглядзе падпіскі аб нявыездзе і належных паводзінах.

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0