Даслаць навіну
Знайсці
14.08.2019 / 16:41 33

Віцэ-кіраўнік Акадэміі навук: У нашым адказе пра Касцюшку было напісана не зусім правільна

Першы намеснік старшыні прэзідыума Нацыянальнай Акадэміі навук Беларусі, фізік Сяргей Чыжык падпісаў адказ НАН мінчуку Дзмітрыю Плашчынскаму, які прасіў надаць адной з вуліцы Мінска імя Касцюшкі. Высветлілася, што адказ пісаў не Чыжык, а гісторык Аляксандр Каваленя.

Чытайце. Член-карэспандэнт Каваленя: Калі б Сувораў не разбіў Касцюшку, не было б ніякай Беларусі

«Наша Ніва» запісалася на прыём да Сяргея Чыжыка, каб ён патлумачыў сваю пазіцыю. Чыжык размаўляў выключна на беларускай мове. Ён прызнаў, што адказ атрымаўся не зусім карэктным.

Павялічыць выяву

Сяргей Чыжык.

«Канечне, было не зусім правільна напісана ў нашым адказе, што Касцюшка не нацыянальны герой Беларусі. Тадэвуш Касцюшка — гэта знакаміты палітычны дзеяч Польшчы, ЗША і Беларусі. Мы не можам выпадаць з гэтага шэрагу.

Ён жыў і працаваў на тэрыторыі нашай краіны. Калі будзе вырашацца пытанне адносна вуліцы, то гісторыкі яшчэ крыху паспрачаюцца і, думаю, прыйдуць да нармальнай высновы. Я не выключаю таго, што вуліца імя Касцюшкі можа з’явіцца калісьці ў Мінску ці ў іншых беларускіх гарадах», — адказаў Сяргей Чыжык.

Таксама акадэмік расказаў, што ягоны прадзед удзельнічаў у паўстанні пад кіраўніцтвам Кастуся Каліноўскага. «І я ганаруся гэтым фактам», — адзначыў Чыжык.

***

Сяргей Чыжык

Нарадзіўся ў 1959 годзе ў вёсцы Асмолава Нясвіжскага раёна. Навуковец у галіне фізікі і механікі паверхняў на мікра- і нанаўзроўні, нанадыягностыкі. Акадэмік Нацыянальнай Акадэміі навук Беларусі (2014).

З 2014 — першы намеснік старшыні прэзідыума Нацыянальнай Акадэміі навук.

ЗП

12
Па-коласаўску мудры / адказаць
15.08.2019 / 11:28
Касцюшка - сусветна вядомы ваенны дзеяч, патрыёт сваёй Радзімы Польшчы і проста смелы чалавек. Паколькі ён наш зямляк, то безумоўна мусім ім ганарыцца і канечне мець вуліцы і помнікі. Вось-жа ёсць у Варшаве помнік французу дэ Голю? А ў Нью-Ёрку - помнік беларусу Купалу.

Але не гаварыце мне, што ён нацыянальны герой Беларусі - смешна.

Калі Каліноўскі - сапраўды нацыянальны герой - звяртаўся да нашых продкаў "Браты-беларусы",
то Касцюшка лічыў, што "прывучыць іх [нашых продкаў беларусаў, ці калі хочаце, ліцвінаў] трэба да польскай мовы… З часам польскі  дух у іх увойдзе. Непрыяцелем  лічыць будуць потым таго, хто не будзе гаварыць на нацыянальнай мове». Гэта з ягонага ліста, напісана ягонай рукой, так што не кажыце мне пра беларуса Касцюшку.
4
Па-коласаўску мудры / адказаць
15.08.2019 / 23:04
Мік-Цвік,

Зашмат эмоцый. Што вы так носіцеся з гэтым Касцюшкам? Так, ён пісаў "нарадзіўся я літвінам", маючы на ўвазе сваё чыста геаграфічнае паходжанне і не болей. Але літвінам (=беларусам) у этнічным сэнсе ён сябе не лічыў, па-беларуску ні кірыліцай, ні лацініцай не пісаў і беларусаў за асобны народ не прызнаваў.
Можа і Шагала з Бен-Іегудам запішам у нацыянальныя героі Беларусі?
1
Паралуль / адказаць
16.08.2019 / 01:01
g
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 31