Лукашэнка заклікаў падвоіць вытворчасць рыбы
Аляксандр Лукашэнка даручыў актуалізаваць праграму па развіцці рыбагаспадарчай дзейнасці. Адпаведнае даручэнне кіраўнік дзяржавы даў сёння, наведваючы ў Касцюковіцкім раёне фарэлевую гаспадарку «Лохва», піша БелТА
«Чаго мы марудзім, чаго баімся? Тэхналогіі выдатныя, рынкі ёсць. Трэба актуалізаваць гэтую праграму і ўнесці мне канкрэтныя прапановы — дзе будзем будаваць і што. І як мінімум трэба падвоіць вытворчасць рыбы, не толькі на Магілёўшчыне», — сказаў ён.
Кіраўнік краіны дэталёва цікавіўся працай гаспадаркі: тэхналогіямі, рэнтабельнасцю, аб'ёмамі вытворчасці, наяўнасцю рынкаў. У першую чаргу кіраўніка дзяржавы цікавілі магчымасці далейшага развіцця. «Калі ёсць, трэба рабіць хутчэй», - сказаў ён.
Як далажылі кіраўніку дзяржавы, магчымасці для пашырэння вытворчасці маюцца. Рыбная прадукцыя, і ў прыватнасці фарэль, запатрабавана як на ўнутраным, так і знешніх рынках. У 2019 годзе чаканая вытворчасць рыбы ў краіне складзе 16,6 тыс. тон, у той жа час у Беларусь штогод імпартуецца 180 тыс. т з улікам патрэбаў перапрацоўкі і наступнага экспарту.
