Магілёвец аддаў на працы бальнічны, які выдаюць толькі цяжарным
Санітарка ў Магілёве скрала некалькі бланкаў лісткоў непрацаздольнасці, каб дапамагчы знаёмаму, піша mogilevnews.by.
34-гадовая санітарка адной з устаноў аховы здароўя, прыбіраючы ў кабінеце лекара, звярнула ўвагу на бланкі строгай справаздачнасці, якія ляжалі ў адчыненым сейфе. Яна ўспомніла, як ёй нядаўна скардзіўся знаёмы, які прагуляў некалькі дзён і не пайшоў на працу. Губляць месца ён не хацеў і думаў, што зрабіць, каб яго захаваць.
Дастаўшы з сейфа восем бланкаў, магілёўка паставіла штамп-клішэ арганізацыі аховы здароўя і сышла з кабінета. Пасля аддала бланкі непрацаздольнасці свайму знаёмаму, які падзякаваў сяброўцы за кемлівасць.
Малады чалавек не падазраваў, што свайму начальству даў бальнічны лісток, які выдаюць толькі цяжарным жанчынам.
Кіраўнік арганізацыі звярнуўся ў міліцыю. Вырашаецца пытанне аб завядзенні крымінальнай справы.
