Mahiloviec addaŭ na pracy balničny, jaki vydajuć tolki ciažarnym
Sanitarka ŭ Mahilovie skrała niekalki błankaŭ listkoŭ niepracazdolnaści, kab dapamahčy znajomamu, piša mogilevnews.by.
34-hadovaja sanitarka adnoj z ustanoŭ achovy zdaroŭja, prybirajučy ŭ kabiniecie lekara, źviarnuła ŭvahu na błanki strohaj spravazdačnaści, jakija lažali ŭ adčynienym siejfie. Jana ŭspomniła, jak joj niadaŭna skardziŭsia znajomy, jaki prahulaŭ niekalki dzion i nie pajšoŭ na pracu. Hublać miesca jon nie chacieŭ i dumaŭ, što zrabić, kab jaho zachavać.
Dastaŭšy ź siejfa vosiem błankaŭ, mahiloŭka pastaviła štamp-kliše arhanizacyi achovy zdaroŭja i syšła z kabinieta. Paśla addała błanki niepracazdolnaści svajmu znajomamu, jaki padziakavaŭ siabroŭcy za kiemlivaść.
Małady čałaviek nie padazravaŭ, što svajmu načalstvu daŭ balničny listok, jaki vydajuć tolki ciažarnym žančynam.
Kiraŭnik arhanizacyi źviarnuŭsia ŭ milicyju. Vyrašajecca pytańnie ab zaviadzieńni kryminalnaj spravy.