Даслаць навіну
Знайсці
11.07.2019 / 11:01 4

«Шкадую, што не зрабіў гэта на 20 гадоў раней. Яна не маці, а зязюля» — судзяць мінчука, які задушыў сваю маці

28 студзеня 2019 года ў сталічную міліцыю пазваніў мужчына і паведаміў, што забіў сваю маці. Высветлілася, што гэта праўда — 61-гадовую жанчыну знайшлі задушанай у яе кватэры. Мужчыну ўзялі пад варту.

11 ліпеня ў судзе Маскоўскага раёна Мінска пачаўся працэс па гэтай справе.

На лаве падсудных — 37-гадовы Аляксандр Даброў.

Павялічыць выяву

У 1990-х і пачатку 2000-х Даброў неаднаразова прыцягваўся да крымінальнай адказнасці: за крадзеж аўто і махлярства. Апошнім часам ён нідзе не працаваў.

Маці мужчыны была інвалідам 3-й групы. Але Даброў ніяк не дапамагаў ёй, нават наадварот: хаваў сваё месца працы, грошы ёй не даваў (хаця суд абавязаў яго сплачваць «аліменты» на ўтрыманне маці). Па версіі пракурора, у тую студзеньскую ноч Даброў пасварыўся з маці, пасля чаго моцна збіў яе і задушыў вяроўкай.

Цяпер мужчыну судзяць па двух артыкулах: за забойства і за ўхіленне ад сплаты грошай па рашэнні суда.

Сам Даброў віну прызнаў часткова: кажа, што забіў, але не збіваў.

Ён патлумачыў, чаму раней ігнараваў рашэнне суда, і не плаціў грошы на ўтрыманне маці.

«Я не плаціў, бо гэта не маці, гэта зязюля. Яна ніколі не займалася маім выхаваннем — яна не маці мне. Яна мне ніхто», — рэзка сказаў Даброў.

Пасля ён распавёў пра падзеі ў студзені. Ён жыў разам з маці: раней здымаў асобную кватэру, але трапіў у бальніцу: атрымаў некалькі нажавых, калі працаваў таксістам. Яму выдалілі селязёнку, вельмі моцна пашкодзілі адно лёгкае.

Пасля бальніцы, кажа Даброў, ён ледзь-ледзь хадзіў. Грошай на здымнае жыллё пачало не хапаць. Таму ён вярнуўся на кватэру да маці. Спачатку ўсё было нармальна, але праз некалькі месяцаў жанчына напісала заяву ў міліцыю на сына. Чаму — ён не ведае. Кажа, скандалаў у іх з маці не было, маўклівая непрыязнь адно да аднаго. І заявы яна нібыта пісала ціхенька, чаму і якія ён не ведае, сцвярджае мужчына.

«Мне яна не давала жыць. Умовы кватэры не дазвалялі нармальна існаваць. Там знесеныя сцены паміж пакоем і калідорам, паміж пакоем і кухняй. Кватэра ўся ў хламе, брудная. Не працавала сантэхніка. Плюс маці рабіла стрыжкі ў хаце, пастаянна ішлі кліенты», — кажа Даброў.

Павялічыць выяву

Але нягледзячы на ўсё гэта ў матчынай кватэры Даброў пражыў пару гадоў. Кажа, таму, што з’ехаць не хапала грошай.

У ноч забойства, расказвае мужчына, ён пасварыўся з маці. Яна ізноў напісала на яго заяву ў міліцыю.

«Я спытаў, што за суд будзе ізноў? Яна сказала, што не ведае. Пасля яшчэ штосьці буркнула. Я выйшаў у пакой, узяў вяроўку, вярнуўся і накінуў ёй на шыю…», — расказвае Даброў.

Кажа, маці не біў — траўмы яна магла атрымаць ад удараў аб мэблю, пакуль душыў яе.

«Я не апраўдваюся — я выдатна разумеў, што раблю. Але я яе не біў. Самі падумайце, гэта не лагічна — навошта было пасля душыць, калі я і так нібыта збіваў і мог забіць проста да смерці».

Пасля таго, як Даброў задушыў жанчыну, ён выйшаў у іншы пакой, пакурыў. Схадзіў у краму, купіў рэчы першай неабходнасці — для турмы. Затым набраў участковага, распавёў, што зрабіў.

Пасля Даброў сам пайшоў у міліцыю.

На судзе ён кажа, што марыў з дзяцінства, каб штосьці здарылася з маці. І за пару дзён да забойства ўжо вырашыў — штосьці трэба зрабіць з ёй. Кажа, не ведаў што, не абавязкова забойства: можа, ударыць, можа, машынай пераехаць…

І цяпер, па яго словах, яму шкада, што ён забіў чалавека. Але не шкада, што загінула яго маці.

«Можа, шкада, што я не зрабіў гэта гадоў 20 раней», — кажа Даброў.

Павялічыць выяву

Адным з пацярпелых па справе праходзіць родны брат абвінавачанага.

Ён патлумачыў: адносіны ў сям’і заўсёды былі складанымі. Маці мела і пастаянную працу, і пастаянны заробак (была добрай цырульніцай), але яна часта судзілася з сынамі, каб спагнаць з іх грошы.

«Я мяркую, што Аляксандр усё жыццё быў у крыўдзе на маці, бо яна добра зарабляла, але не хацела яго, альфонса, утрымліваць. Сам ён працаваць не ўмеў і не любіў. Я браў яго да сябе на фірму. Але работнікам ён быў кепскім: 3 балы з 10.

Я не ведаю, чаму брат так паступіў. Але я яго не асуджаю — гэта быў яго выбар», — заявіў на судзе брат Даброва.

УШ

4
530 / адказаць
11.07.2019 / 14:40
Что же это была за мамаша, что даже другой её сын не может осуждать брата, при том что о самом брате ничего хорошего не сказал.
Стрёмная ситуация в общем. Убийство не одобряю, но и мать жалеть не стану.
9
Жвір / адказаць
11.07.2019 / 16:17
530, nie sprava dziaciej aceņvac` žyccio svaich bac`koū, dy jašče vynosic` jaho na ahuļny "prahliad". Dapamahčy ničym nia možacie, dyk choc` na šyi nie visicie. To byla matčyna chata i matčyna žyccio, čaho liezci z svaimi standartami ?.. Toje nia tak, heta nia tak, a dzie tvajo ūlasnaje bylo, i jakoje jano ? Žyvicie inakš, žyvicie liepiej, daroslyja, i backi ničym Vam užo nie abaviazanyja. Čym chutčej heta razumiejecca, tym mienš pamylak robicca pa-žycci... Tut psychijatryja pavinna papracavac`, a potym užo sliedstva... Miarkuju, što matyvacyja miela zusim inšuju pryrodu...
0
Alehna / адказаць
12.07.2019 / 19:28
Aleh, і што?
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
верасень кастрычнік лістапад
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31