Лукашэнка павіншаваў Мадуру і паабяцаў яму падтрымку
president.gov.by
Аляксандр Лукашэнка ад імя беларускага народа і сябе асабіста павіншаваў прэзідэнта Венесуэлы Нікаласа Мадуру і грамадзян гэтай краіны з нацыянальным святам — Днём Незалежнасці, паведамляе прэс-служба кіраўніка краіны.
«Сёння, нягледзячы на шматлікія перашкоды, ваша дзяржава працягвае рашуча адстойваць сваё права на незалежнасць і ўласны шлях развіцця», — гаворыцца ў віншаванні.
Лукашэнка падкрэсліў, што Беларусь і Венесуэла, звязаныя брацкімі адносінамі, маюць падобнае бачанне справядлівага светапарадку: выступаюць катэгарычна супраць аднабаковых санкцый і ўмяшання ва ўнутраныя справы незалежных краін.
«Венесуэльцы заўсёды могуць разлічваць на нашу падтрымку ў абароне агульных каштоўнасцяў, — запэўніў ён. — Перакананы, што толькі канструктыўны дыялог на аснове прынцыпаў міжнароднага права здольны забяспечыць мірнае суіснаванне дзяржаў».
