Золатавалютныя рэзервы выраслі за чэрвень на $200 мільёнаў дзякуючы росту цаны на золата
Міжнародныя рэзервовыя актывы Ьеларусі на 1 ліпеня склалі 8 290,7 млн. даляраў ЗША (у эквіваленце). За чэрвень яны выраслі на 200,7 млн. долараў ЗША (на 2,5%) пасля росту ў маі на 521,6 млн. даляраў ЗША (на 6,9 працэнта), паведамляе прэс-служба Нацбанка.
У чэрвені ўрадам і Нацбанкам выканана знешніх і ўнутраных абавязацельстваў у замежнай валюце на суму каля 250 млн. даляраў ЗША.
Асноўным фактарам росту ўзроўню золатавалютных рэзерваў у чэрвені стала павышэнне цаны золата на міжнародным рынку.
Таксама павелічэнню рэзерваў спрыялі пакупка замежнай валюты Нацбанкам на таргах, паступленне замежнай валюты ў бюджэт, у тым ліку ад збірання экспартных пошлін на нафту і нафтапрадукты, і паступленне сродкаў ад продажу Нацыянальным банкам і Міністэрствам фінансаў аблігацый, намініраваных у замежнай валюце. Акрамя таго, з 1 ліпеня 2019 года актуалізавана метадалогія разліку золатавалютных рэзерваў, што абумовіла рост паказчыка на 70 млн. даляраў ЗША.
