NASA прадало ў 1976 годзе арыгінальныя кадры высадкі на Месяц свайму стажору за $218. Цяпер стужка каштуе мільёны
20 ліпеня 1969 года NASA высадзіла чалавека на Месяц. У 1976 годзе касмічнае агенцтва выпадкова прадало стужкі арыгінальных матэрыялаў здымак месячнай місіі «Апалон-11» шчасліўчыку, які трымаў іх дзесяцігоддзямі. Ён нават не ведаў пра іх змест.
Зараз тры касеты, якія прысвечаны асноўным момантам у засваенні космасу, выстаўлены на аўкцыён — па стартавай цане 700 000 даляраў.
Паводле Sotheby's, плёнкі каштуюць да 2 мільёнаў даляраў.
На касетах, якія могуць прынесці мільёны на аўкцыёне, адлюстраваныя кадры NASA, на якіх Ніл Армстранг і Баз Олдрын усталявалі амерыканскі сцяг на Месяцы.
Плёнкі былі выпадкова прададзеныя стажору NASA Гэры Джорджу ў 1976 годзе, які набыў камплект на дзяржаўным аўкцыёне за 217,77 даляра. І нават не ведаў, што на гэтых стужках было.
