У Вільні загінула студэнтка з Беларусі
У ноч на суботу ў Вільні ў студэнцкім гарадку загінула 19-гадовая дзяўчына, піша Delfi. Гэта грамадзянка Беларусі, якая вучылася ў Літве ў ЕГУ і жыла ў студэнцкім інтэрнаце. Універсітэт паведамляе, што гаворка ідзе пра студэнтку 2 курса праграмы «Медыя і камунікацыя» Вікторыю Грынкевіч.
Фота: Delfi.
Паліцыя паведамляе, што 18 мая, у 0.45 у Вільні, на алеі Саўляцякё, каля дома знайшлі цела дзяўчыны.
Падазраюць, што яна выпала з балкона на 10-м паверсе. Ёсць меркаванне, што 19-гадовая дзяўчына спрабавала забрацца на край балкона, страціла раўнавагу і звалілася.
Відавочцы распавялі, што гэта не самагубства. Па іх словах, яна вырашыла паказаць сваю смеласць, устала на табурэтку — з яе на край балкона, аднак не ўтрымалася і ўпала.
Высветлілася, што перад гэтым дзяўчына піла віно.
Калі на месца здарэння прыехалі лекары, сэрца дзяўчыны яшчэ білася. Паўгадзіны лекары змагаліся за яе жыццё, але марна.
Абставіны здарэння высвятляюцца.
