Даслаць навіну
Знайсці
26.03.2019 / 14:09 1

Multitudinis iuris consensu ac utilitatis communione sociatus, або Што натхняе ў гісторыі Беларусі

Піша Лявон Маліноўскі.

Павялічыць выяву

Ад нашай гісторыі мы не ўцячэм. Калі будзем уцякаць, яна будзе біць нас наўздагон нашымі старымі памылкамі. Так, Magistra vitae таму і magistra, бо вучыць. І вучыць яна нас перш-наперш на памылках. Таму памылкі трэба даследаваць з асаблівай увагай і руплівасцю.

Але апроч кухталёў гісторыя мае для нас і цукеркі, якімі нас вабіць. Вабіць тым, што нас натхняе.

Што мяне асабіста натхняе ў гісторыі Беларусі?

Што княгіня Рагнеда не даравала кіеўскаму Ўладзіміру і навек перадала Рагваложым Унукам памкненне самастойнасці.

Што Усяслаў Чарадзей, дарма што кіяне пасадзілі яго панаваць у прэстыжным Кіеве, вярнуўся ў родны Полацк, які так клапатліва аздобіў Святой Сафіяй.

Што Гедымін зваўся каралём Літвы і Русі: гэта, на маю думку, аснова нашага разнастайнага краю, на які потым кладзецца прыгожы стракаты ўток.

Што Вітаўт спрыяў габрэям і татарам — гэтым умацаваўшы эканоміку і войска, для дабра рэчы паспалітае.

Рэформы каралевы Боны — Устава на валокі, якой знакі трываюць дагэтуль у культуры і побыце.

Рэформы Станіслава Аўгуста — першага, я б сказаў, прадвесніка сучаснай палітычнай думкі ў нашай гісторыі.

Але гэта ўсё была гісторыя гаспадароў і шляхты (манархаў, арыстакратаў, тыранаў і алігархаў), а першы выпадак, калі наш народ павёў сябе самаўрадна — гэта Усебеларускі кангрэс 1917 года, які ўскаласіўся абвяшчэннем незалежнасці Беларусі 25 сакавіка 1918 года.

Вось якраз тады праявілася серад нас старажытная, яшчэ Цыцэронава res publica як res populi, які multitudinis iuris consensu ac utilitatis communione sociatus*.

Таму, мяне асабіста гэты эпізод нашай гісторыі натхняе найбольш. Больш за слаўныя дзеі нашых вялікіх манархаў ад Рагнеды да Станіслава Аўгуста.

Дык жа са святам! Жыве Беларусь!

* рэспубліка як справа народа, які звязаны згодай закона і дзеля супольнага дабра грамады

Лявон Маліноўскі, facebook.com; застаўка Youtube.com

11
Valadzimir / адказаць
26.03.2019 / 23:05
Чарговая нахабная фальсіфікацыя гісторыі, цяпер у выкананьні Лявона Маліноўскага.  Гісторыю Вялікай Літвы-ВКЛ ён незаўважна, і як само сабой зразумелае, называе "гісторыяй Беларусі". 
Ізноў нагадаю, што Літва - НЕ БеларусьВялікае Княства Літоўскае - магутная сярэднявечная імперыя, была створана народам, які зваўся літва, і што гэта за народ, "прафесіянальныя" гісторыкі як Беларусі, так і Ліетувы дагэтуль "не могуць" высьветліць. А Белоруссия-Беларусь - расейская паўкаланіяльная правінцыя, узьнікшая ў сярэдзіне 19 ст. на месцы зьнішчанага ВКЛ, з этнасам-"новоделом" без гістарычнай памяці пад назвай "беларусы".
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
сакавік красавік май
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30