Даслаць навіну
Знайсці
11.03.2019 / 15:49 17

У мінскім бары пабіліся фанаты «Манчэстэр Юнайтэд» і «Арсенала», выклікалі АМАП

Павялічыць выяву

Здарэнне адбылося ў нядзелю 10 сакавіка ў бары 4-4-2 на вуліцы Зыбіцкай. У той дзень у рамках англійскай Прэм’ер-лігі сустракаліся лонданскі «Арсенал» і «Манчэстэр Юнайтэд». «Арсенал» атрымаў перамогу з лікам 2:0.

Фан-клубы «МЮ» і «Арсенала» — адны з самых шматлікіх у Беларусі. Звычайна заўзятары гэтых каманд збіраюцца для прагляду матчаў на розных пляцоўках, каб пазбегнуць патэнцыйных канфліктаў. На гэты ж раз на Зыбіцкую прыйшло каля 60 фанатаў «МЮ» і каля 15 — «Арсенала».

Сакратар афіцыйнага фан-клуба «Манчэстэр Юнайтэд» у Беларусі Уладзімір Сазонаў кажа, што бар «4-4-2» запрасіў да сябе прыхільнікаў «чырвоных д’яблаў» напрыканцы мінулага года. Фанаты «Арсенала» ж сцвярджаюць, што гэта пляцоўка «належыць» ім, таму і не збіраліся пакідаць установу.

Калі гульня скончылася, то паміж заўзятарамі завязалася сутычка. У выніку адзін з фанатаў «Арсенала», якога завуць Ілля, сцвярджае, што яго збілі.

«Фанаты «МЮ» раўлі абсалютнае дзікунства, пагражалі заўзятарам «Арсенала», паказвалі факі. Падчас гульні заўзятары паводзілі сябе неадэкватна. Калі «Арсенал» забіў гол, то мой брат устаў на крэсла, дык выбілі крэсла ззаду. Татальнае быдла, вяршкі беларускага быдла. Адэкватныя людзі сябе так паводзіць не будуць. Крайне агрэсіўнае заўзенне. У Мінску не так шмат месцаў, дзе можна глядзець матчы», — расказаў Ілля ў сваім інстаграме.

Калі гульня скончылася, то паміж фанатамі пачалася слоўная перапалка, паказвалі адзін адному факі. «Мне прыляцела незразумела адкуль, спрабавалі разбіць тэлефон, піналі нагамі, у мяне шышка, паламаны нос. Я выклікаў міліцыю. Спачатку хацеў пісаць заяву, але не стаў пісаць, бо мяне прыпалохалі сумесным хуліганствам. Мне потым сказалі, што разводзілі мяне як лоха, але я напісаў, што не маю прэтэнзій. Хлопцы, што былі ў апорніку са мной, выбачыліся, прапанавалі пасядзелі папіць піва, але мне нецікава стасавацца з быдлам», — адзначыў Ілля.

Уладзімір Сазонаў, які прадстаўляе фанатаў «МЮ», кажа, што абразы чуліся з абодвух бакоў. «Яшчэ ў перапынку падыходзілі да хлопцаў з «Арсенала» і казалі, калі матч скончыцца на вашу карысць, то вам лепш адразу расплаціцца і сысці і не правакаваць канфлікты.

Калі вы заходзіце ў бар, дзе сядзіць 60 фанатаў «Манчэстэра», то трэба мець нейкі інстынкт самазахавання ці што».

Уладзімір кажа, што не можа сцвярджаць, што нехта біў пацярпелага, але і адваротнага сказаць не можа. «Магчыма, ён проста паваліўся, калі іх раздымалі, і ўдарыўся носам. Калі мы пачалі разнімаць бойку, то адчуваў удары па спіне. Магло быць што заўгодна. Сам канфлікт быў не больш за хвіліну», — расказвае Уладзімір.

АМАП прыехаў у бар досыць хутка. Па словах Уладзіміра, праваахоўнікі паводзілі сябе вельмі карэктна. «Яны думалі, што там рэальна фанаты счапіліся, а тут невялікая лакальная бойка. Мы лічым, што ў гэтай сітуацыі не лепшым чынам павялі сябе абодва бакі. Я б асабіста не пайшоў глядзець футбол у бар, дзе ўсё было б завешана атрыбутыкай «Арсенала», — расказвае Уладзімір Сазонаў.

Ён абсалютна абвяргае словы, што за «МЮ» заўзеюць нейкія «гопнікі і быдла». «Амаль усе маюць вышэйшую адукацыю, гэта людзі старэйшыя за 28 гадоў, шмат бізнэсмэнаў, іншых паспяховых людзей», — расказвае Сазонаў.

Такія канфліктныя сітуацыі здараюцца не так часта. Звычайна фан-клубы заходнееўрапейскіх клубаў глядзяць гульні на розных тэрыторыях, але на гэты раз выйшла вось такая накладка.

Зміцер Панкавец

6
BonScott / адказаць
11.03.2019 / 19:23
gunnernn

 
В вашем выдуманном мире наверняка все именно так, и человек должен родиться в одном городе, жить в нем, ходить в одну столовку на той улице, где он живет, болеть только за родной клуб (а если он из деревни и там в принципе нет профессиональных команд, как тогда быть, а? :)), ну и пожив так, умереть в этом самом городе, и лучше на той же самой улице.

Не, усе гэта тычыцца толькі футбола. Як я казаў вышэй, футбол - гэта не балет. Можна жыць і іншым горадзе, можно ецсі ў іншай сталоўцы, але клуб змяніць нельга. Гэта сутнасць футбола.

а если он из деревни и там в принципе нет профессиональных команд, как тогда быть, а?

 Усе проста - выбірай бліжэйшы. 

я заболел Арсеналом после этого гола Денниса Бергкампа на ЧМ 1998 

А чаму не Аякс? Бергхамп з акаэміі гэтага клубу. Бо Аякс апошнім часам быў адстоем, і больш модна і гламурна лічыць сабе натыўным жыхаром пауночнага Лондану?))


Суть футбола в нормальном мире - ОБЪЕДИНИТЬ красивой игрой разных людей, а не презирать кого-то за то что он болеет не за кого-то из своего города.

Словы добрыя, але справа у тым, што ганьбяць , насамрэч, за гламур і пафас, за тое, что чамусці гэны клуб з іншага гораду па супадзенню і найболь заможны. 




4
1111 / адказаць
11.03.2019 / 19:30
"После того как «Арсенал» забил гол и мой брат встал на стул, то выбили стул сзади. Тотальное быдло, сливки белорусского быдла.." Встал на стул?! По моему быдло там с обеих сторон.
0
mikola ramanau / адказаць
12.03.2019 / 13:24
*Amap* - specyjalisty-toki Apazycyiu i beraskamounyh  zbivac !
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
май чэрвень ліпень
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30