Ірына Акуловіч: Атрыманыя ад журналістаў грошы мы перадалі ў дзіцячы хоспіс

Ірына Акуловіч — кіраўнік БелТА, з чыёй заявы пачалася гучная справа, па якой прайшлі паўтара дзясятка журналістаў. 

У выніку большасць з іх атрымалі вялікія штрафы, а галоўнага рэдактара Tut.by Марыну Золатаву судзілі і аштрафавалі на 7 650 рублёў. 

Як жа БелТА будзе выкарыстоўваць атрыманыя сродкі? 

Пра гэта «Нашай Ніве» сказала сама Ірына Акуловіч. 

«Намі заключаная дамова з Беларускім дзіцячым хоспісам, яны пойдуць туды — ужо пайшлі. Перада мной дамова аб прадастаўленні дармавой спонсарскай дапамогі на 58 тысяч рублёў з невялікім хвосцікам. Астатнія сродкі таксама будуць патрачаныя на дабрачыннасць», — сказала яна. 

АЯ

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0