У Горацкім і Мсціслаўскім раёнах затрымалі расіян, якія спрабавалі вывезці 48 тон яблыкаў без аформленых дакументаў ФОТЫ

28 лютага супрацоўнікі Горацкага РАУС, Мсціслаўскага РАУС і Магілёўскай мытні паблізу в. Старына Горацкага раёна затрымалі сем аўтамашын з яблыкамі.

Як пракаментаваў начальнік УБЭЗ УУС Магілёўскага аблвыканкама палкоўнік Дзмітрый Шчадракоў, кіравалі аўтамабілямі жыхары Расіі, якія спрабавалі вывезці ў Расійскую Федэрацыю яблыкі без адпаведных дакументаў.

1 сакавіка ў Горацкім і Мсціслаўскім раёнах затрыманыя яшчэ 2 аўтамашыны, якія таксама перавозілі яблыкі. Усяго канфіскавана 48 тон яблыкаў агульным коштам 57,6 тысяч рублёў. Матэрыялы перададзеныя ў Магілёўскую мытню для праверкі.

Правапарушальнікам пагражае адміністрацыйная адказнасць.

0

0

0

0

0

0