Даслаць навіну
Знайсці
10.02.2019 / 16:49 2

«Колер Беларусi» Міхала Анемпадыстава прызнаная найлепшай з вартых кніг

Найлепшым дызайнерам на 58-м Нацыянальным конкурсе «Мастацтва кнігі» названы Міхал Анемпадыстаў. «За ідэю, аўтарскую канцэпцыю, тэкст і мастацка-графічнае афармленне выдання» дызайнер узнагароджаны ў персанальнай намінацыі «Майстэрства» за кнігу «Колер Беларусi», паведамляе planetabelarus.by.

Цырымонія ўзнагароджання адбылася 8 лютага ў Палацы мастацтваў у межах XXVI Мінскай міжнароднай кніжнай выставы-кірмашу.

На жаль, Міхала Анемпадыстава ўжо год як няма сярод нас, яго чытачоў і сяброў. Але ён паспеў убачыць прызнанне сваёй працы — на выставах, лекцыях, прэзентацыях. Афіцыйнае прафесійнае прызнанне пацвердзіла несумнеўныя добрыя якасці кнігі.

Павялічыць выяву

Міхал Анемпадыстаў.

«Колер Беларусi» (Мінск, 2017, 196 старонак, камп'ютарная вёрстка Алены Дашкевіч) адносіцца да міждысцыплінарных даследаванняў. Бо аўтар кнігі — не толькі дызайнер, але і знаўца беларускай культуры, гісторыі, этнаграфіі. Філосаф, паэт, фатограф. Таму адна частка выдання — візуальная — упэўнена застаецца ў статусе альбома, а іншая — тэкставая — не менш чэпка трымае чытача ў інтэлектуальным тонусе, адсылаючы да этнакультуры і канцэптуальнага складніка дызайну. Вельмі падрабязныя подпісы да ілюстрацый (177!) і спіс спасылак (184!) не пакідаюць ніякіх сумневаў у навуковай педантычнасці аўтара і каштоўнасці даведачнага апарата кнігі.

Яшчэ адно адрозненне «Колера Беларусi» — той бездакорны стыль, які ўласцівы творчасці Міхала Анемпадыстава ў тых жа вектарах яго дзейнасці — візуальным і вербальным. З не меншай дбайнасцю, чым графічным дызайнам, ён займаўся паэзіяй, лекцыямі, фатаграфіяй.

Павялічыць выяву

Нарэшце, сем колераў, якія нельга не ведаць і нельга не палюбіць ў гэтакай якаснай аўтарскай падачы: белы, чорны, чырвоны, сіні, залаты, шэры, зялёны. Разгорнутыя артыкулы і ілюстрацыйны шэраг. Усё, што мы хацелі ведаць пра колер, — ад паходжання слоў, архаічных азначэнняў да мастацтва, ад народнай культуры да архетыпаў, ад рамёстваў да міфалогіі. Ад лакальнага да сваяцтва і рознагалоссяў суседзяў па ўсім свеце.

Павялічыць выяву

Павялічыць выяву

Сябра Саюза дызайнераў, сябра экспертнай камісіі Алена Жданоўская распавядае, як ацэньвалі «Колер Беларусi» спецыялісты:

— Многія сябры камісіі адразу назвалі і кнігу, і Міхала Анемпадыстава. «Колер Беларусi» — знакавая падзея. І не толькі ў кніжным свеце. Кніга дае нам сучаснае разуменне гістарычнага матэрыялу, асэнсаванне нашых традыцый праз колер, тлумачыць псіхалогію ўспрымання колеру беларусамі. Гэтага больш няма ні ў каго, што спачатку мы даведваемся, чаму нам блізкі гэты шэранькі, і тут жа — чаму мы такія, якія мы ёсць. Адчуваем і разумеем. Міхал заўсёды быў на вастрыі гэтых граняў, ён сам ствараў наш почырк — беларускага плаката, беларускага стылю. У гэтым сэнсе яго не было з кім параўноўваць, побач з ім прэтэндэнтаў не было.

З 158 выданняў, якія паступілі на Нацыянальны конкурс «Мастацтва кнігі», у выніку рэйтынгавага галасавання ў шорт-ліст трапілі 68. Затым журы пад кіраўніцтвам рэктара Акадэміі мастацтваў Міхаіла Баразны разгледзела кнігі прэтэндэнтаў на найвышэйшыя ўзнагароды. У персанальнай намінацыі «Майстэрства» ўзнагароджваюцца найлепшы ілюстратар, найлепшы дызайнер і найлепшы фотамастак кнігі.

Нацыянальны конкурс «Мастацтва кнігі» праводзіцца з 1960 года.

nn.by

2
Лявон Баршчэўскі / адказаць
11.02.2019 / 12:46
Міхал быў супэрталенавітай Асобай. Шкада, што так рана сышоў...
І ня думаю, што ён бы надта радаваўся любой узнагародзе. Не такі ён быў чалавек.
0
Алякасандр / адказаць
26.02.2019 / 13:41
Книга сейчас самый массовый предмет искусств в Белоруси! Однако тенденция Европейских художников диктует новые тенденции к массовому выпуску предметов искусно ! Художник в Европе рассматривается , как ремесленник , а предмет искусав как мелкосерийная используемая в быту вещь ! Для ценителей искусав важно , что б вещь использовалась в быту ,  а не красовалась на ветриле  музея! Вы , художник , открываете мастерскую, потом создать свое производство и затем выпускать небольшие серии своих предметов искусств.  
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31