Даслаць навіну
Знайсці
10.01.2019 / 17:46 15

Рэгіянальныя суполкі Укантакце працягваюць апытваць людзей, ці хочуць яны далучэння да Расіі

Напрыканцы 2018 года сайт nn.by звяртаў увагу, што адразу дзясятак рэгіянальных суполак сацыяльнай сеткі Укантакце змясцілі на сваіх старонках аднолькавыя апытанні, ці падтрымліваюць іх чытачы ўступленне Беларусі ў склад Расіі.

Павялічыць выяву

Найгоршыя паказчыкі былі ў Віцебску. У мясцовых суполках больш за 40% рэспандэнтаў выступілі за аб’яднанне. У Гомелі і Барысаве лічбы прыхільнікаў больш шчыльнай інтэграцыі таксама былі немалымі, але ўсё ж большасць там выступала за захаванне незалежнасці.

Абсалютная большасць мінчукоў і берасцейцаў выступілі за захаванне самастойнасці Беларусі.

Апытанні працягваюць праводзіць і цяпер. Літаральна 9 студзеня такое пытанне задала суполка «Лёзна». Гэта раённы цэнтр на мяжы з Расіяй у Віцебскай вобласці.

Павялічыць выяву

Удзел у апытанні ўзяло ўсяго 190 чалавек, але 43% выказаліся за далучэнне да Расіі. Прыхільнікаў незалежнасці набралася толькі 33%. Яшчэ 24% адказалі, што ім усё адно.

Павялічыць выяву

Суполка «Тыповы Слонім» дадала да варыянтаў адзін вельмі радыкальны адказ для тых, хто са зброяй у руках гатовы падтрымліваць далучэнне Беларусі да Расіі. Агулам такіх патэнцыйных сепаратыстаў набралася некалькі дзясяткаў (3%). За незалежнасць Беларусі ў слонімскім пабліку выступіла больш за 63%. Агулам прагаласавала 730 чалавек.

Павялічыць выяву

Пяцьсот чалавек прагаласавала ў суполцы «Інтрыгі. Лельчыцы». Дзве траціны выступілі за незалежнасць нашай краіны, траціна — за далучэнне да ўсходняй суседкі. Адметна, што ва ўсіх гэтых апытаннях варыянт далучэння да Расіі ідзе акурат першым.

Павялічыць выяву

У пабліку «Тыповы Бабруйск» галасы размеркаваліся наступным чынам: 47% за незалежнасць, 42% — за далучэнне. Яшчэ каля 10% не змагла вызначыцца, чаго хоча больш.

Павялічыць выяву

Суполка «Рэчыца без цэнзуры» таксама змясціла падобную галасаванку. Амаль 49% апытаных выступілі за Беларусь, 28% - за Расію. Ну і яшчэ вялікая колькасць людзей (23%) вырашыла не падтрымліваць ні адзін з варыянтаў.

Зміцер Панкавец

2
Niemand / адказаць
10.01.2019 / 21:33
Закрыць гэтую фэ-сэ-бэ-шную ванітоўку, як ва Украі'ні - ды й усі справы.
1
Канстанцін з-пад Оршы / адказаць
10.01.2019 / 21:37
Дзе КДБ і сілавыя структуры,чаму асобы якія праводзяць гэтыя апросы,ставячыя пад сумнеў суверэнітэт Рэспублікі Беларусь яшчэ да сей пары на волі замест турмы ????
2
Трактарыст-максімаліст / адказаць
10.01.2019 / 21:38
У Расеі за публічный сепаратызм, у тым ліку і ў сацсетках, да 3-х год турмы. А тут рабі што хочаш.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31