Даслаць навіну
Знайсці
17.01.2019 / 10:09 1

Выдатна працуе! Топ-10 найлепшых рэкламных спецпраектаў «НН» за 2018 год

Зірніце, якія класныя рэкламныя праекты «Наша Ніва» зрабіла за 2018 год.

Як змяніўся беларускі пейзаж за 150 гадоў: аднаўляем мясціны Напалеона Орды пры дапамозе 4G

Павялічыць выяву

Наш першы інтэрактыўны лонгрыд мы зрабілі разам з МТС: праехаліся па мясцінах, звязаных з жыццём і творчасцю нашага славутага земляка, і паказалі, як выглядаюць сёння Ордавы пейзажы.

«Наша Ніва» ці не першая сярод беларускіх медыя выкарыстала такі фармат для натыўнай рэкламы, што і справакавала выбуховы эфект. За першыя суткі наш праект адкрылі больш за 40 тысяч разоў, а агульная колькасць праглядаў пераваліла за 63 тысячы. 

Навучы бабулю і дзядулю рабіць сэлфі

Павялічыць выяву

Фота Волі Афіцэравай.

У сакавіку мы далі старт конкурсу з розыгрышам двух новых смартфонаў Samsung Galaxy A8 і Samsung Galaxy A8+.

Для гэтага трэба было навучыць сваіх бабуль ці дзядуль рабіць сэлфі, а потым апублікаваць гэтае фота ў сацыяльных сетках. Пасля прафесійнае журы абрала тры здымкі-фіналісты, а найлепшае з іх вызначылі чытачы НН праз анлайн-галасаванне.

Так перамагла Марыя Азбука з вёскі Муравейніца, што на Гомельшчыне.

Павялічыць выяву

Марыя Азбука з новым смартфонам. Фота Волі Афіцэравай.

Дадамо, што пакуль доўжыўся конкурс, мы перыядычна ездзілі ў госці да некаторых удзельнікаў і пісалі гісторыі іх сем'яў.

Аўстрыйскі стандарт

Павялічыць выяву

Віктар Марціновіч у Вене. Фота Сяргея Гудзіліна.

Найбольш маштабны і рызыкоўны праект мінулага года. Дзякуючы Пріорбанку, што ўваходзіць у аўстрыйскую групу Raiffeisen Bank International, мы адправілі ў Вену фатографа Сяргея Гудзіліна і пісьменніка Віктара Марціновіча, які працаваў у гэтым горадзе і добра яго ведае.

У выніку выйшлі тры рознапланавыя лонгрыды:

Менавіта ў межах нашага праекта Віктар упершыню прэзентаваў урывак новага рамана «Ноч».

Павялічыць выяву

Беларускія гераіні

Павялічыць выяву

Разам з Samsung Galaxy S9|S9+ мы расказалі гісторыі жыцця дванаццаці жанчын, якія ўвайшлі ў беларускую гісторыю: бунтаркі, мастачкі, паэткі. Сведкі даўно мінулых дзён і нашы сучасніцы.

Мы расказалі пра іх лёсы, згадалі выклікі, што паўставалі на іх жыццёвым шляху.

Павялічыць выяву

Адна з «Беларускіх гераінь» — Зінаіда Бандарэнка. Фота Волі Афіцэравай.

Апошнія беларускія паромы

Павялічыць выяву

Фота Сяргея Гудзіліна.

У 2017-м разам з Volkswagen мы расказалі пра беларускія брукаванкі. Праз год мы зрабілі яшчэ адзін сумесны спецпраект — апошнія паромы, што працягваюць хадзіць па беларускіх рэках.

Летам мы праехаліся ўздоўж Прыпяці па Палессі, у пачатку восені — уздоўж Дняпра і яго прытокаў, а ў снежні праект скончыўся падарожжам па поўначы Беларусі ўздоўж Заходняй Дзвіны.

Павялічыць выяву

Галоўныя мецэнаты Беларусі. Хто і як вяртае нацыянальныя скарбы

Павялічыць выяву

«Наша Ніва» пры падтрымцы Белгазпрамбанка прасачыла гісторыю беларускага мецэнацтва і фундатараў культуры. Нам было цікава распавесці пра тых, хто ўкладаў рэсурсы ў культурныя здабыткі, творы мастацтва, архітэктуру, ідэі і ўсё тое, што стварала наш культурны ландшафт ад часоў ВКЛ да Рэспублікі Беларусь.

Мы папрасілі старшыню праўлення Белгазпрамбанка Віктара Бабарыку, прадстаўніка інстытуцыі, якая найбольш шчодра падтрымлівае беларускую культуру, стаць правадніком у свеце заможных беларусаў — мецэнатаў.

Павялічыць выяву

Машына часу

Павялічыць выяву

«Яны прыйшлі на гэтую зямлю тысячу трыста год таму. Далі імёны рэкам і пушчам, далі імёны паселішчам, з якіх выраслі нашы гарады, далі аснову нашай мове. Яны пакінулі нам — нас, у нашых жылах бруіць іх кроў. Пакінулі свае гарадзішчы на азёрных выспах, свае некропалі ў лясах, свае свяцілішчы і сваіх багоў, да якіх мы апелюем штодня, самі пра тое не здагадваючыся».

У праекце «Машына часу» мы шукалі сляды крывічоў, радзімічаў і дрыгавічоў у сённяшняй Беларусі. А дапамагаў нам «Ford у Беларусі».

Павялічыць выяву

Сучасны беларускі дызайн

Усё тое, што нас атачае, так ці інакш з’яўляецца прадуктам дызайну. Шыльды, білборды, крой адзення, планіроўка кватэры… Мы сутыкаемся з гэтым кожны дзень і часам нават не ўяўляем, як шмат працы стаіць за кожнай рэччу.

У гэтым праекце разам з нямецкім брэндам прафесійных прылад для пісьма rOtring мы знаёмімся бліжэй з тымі, хто задае тэндэнцыі ў дызайне: ад лагатыпаў да ўпакоўкі. 

Дарэчы, праект працягваецца. Чакайце новых частак!

Падарожжы з «Каронай»

Павялічыць выяву

Разам з сеткай гіпермаркетаў «Карона» мы зладзілі тры падарожжы па Беларусі. 

Спачатку мы адправіліся на малую радзіму №1 — у Шклоў, дзе паглядзелі на помнік агурку і тую самую Трафімаву крыніцу. Пасля з'ездзілі на Аршаншчыну ў вёску Копысь, дзе яшчэ жывыя ўспаміны аб Янку Купалу (побач стаяла яго лецішча). 

А ў кастрычніку праехаліся па 25 адрасах каралеўскага Гродна. Гісторык Андрэй Чарнякевіч распавёў пра далёкае і нядаўняе мінулае горада, а таксама правёў па мясцінах, якія турысты звычайна абмінаюць.

Павялічыць выяву

Магдэбургскія гарады з Сяргеем Гудзіліным

Посмотреть эту публикацию в Instagram

Мы пачынаем новы, неверагодна прыгожы спецпраект "Магдэбургскія гарады з @hudzilin "! Мы пабываем у месцах, што пакінулі глыбокі след у беларускай культуры - ад з'яўлення, праз эпоху магдэбургскага росквіту і да нашых дзён. Некаторыя з гэтых гарадоў былі вялікімі ў мінулым, у некаторых, магчыма, усё яшчэ наперадзе. Ландшафты, культурныя здабыткі і вядомыя асобы - у нашых мультымедыйных гайдах. На відэа можна паглядзець, як такі гайд працуе пры скроле. Пачынаем з горада-музея Мсціслава. Прыемнага прагляду! Спасылка ў шапцы профіля! #nnby #nashaniva #нашаніва

Публикация от Nasha Niva (@nashaniva)

За апошнія два месяцы 2018-га Сяргей Гудзілін з'ездзіў у восем беларускіх гарадоў, што пакінулі глыбокі след у нашай гісторыі і культуры: ад з'яўлення, праз эпоху магдэбургскага росквіту і да нашых дзён. Кантэнт для матэрыялаў мы стваралі з дапамогай Samsung Galaxy Note 9. 

Падарожжы пачаліся з Мсціслава, далей мы адправіліся ў Пінск, НаваградакБраслаў, Мазыр, Полацк, Барысаў, а завяршыўся праект Нясвіжам, горадам, які ведае ўвесь свет.

Павялічыць выяву

Які з нашых праектаў вам найбольш спадабаўся? Пішыце ў каментарах, а таксама прапаноўвайце свае ідэі для матэрыялаў! І, калі вы хочаце добра прарэкламавацца, пішыце на nn@nn.by.

Чытайце таксама:

10 прычын, чаму вам трэба рэкламавацца на «Нашай Ніве»

nn.by

4
Піліп / адказаць
09.01.2019 / 11:59
Сапраўды вельмі крутыя праекты! Так трымаць!
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
люты сакавік красавік
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31