Адзін з топ-менеджараў «Белшыны» збіў насмерць пешахода
Пра гэта «Вячэрняму Бабруйску» распавёў намеснік начальніка Бабруйскага РАУС Рустам Хамдамаў.
Фота УУС.
Адбылося ДТЗ у пятніцу каля 18.40 непадалёк ад вёскі Сычкава.
57-гадовы кіроўца «Таёты» здзейсніў наезд на 56-гадовага пешахода, які ішоў па нерэгуляваным пешаходным пераходзе. У выніку пешаход атрымаў цялесныя пашкоджанні (цяжкая спалучаная траўма, цяжкая адкрытая чэрапна-мазгавая траўма, пераломы сцягна, пляча, траўматычны шок). Праз тры гадзіны ён памёр у шпіталі.
На аўтамабілі былі зімовыя шыны. Пешаход святлоадбівальнымі элементамі пазначаны не быў.
Кіроўца аўтамабіля Toyota працуе на прадпрыемстве «Белшына» на кіруючай пасадзе. Загінулы пешаход нідзе не працаваў.
У дачыненні да кіроўцы 8 снежня распачалі крымінальную справу па артыкуле 317 ч. 2 («Парушэнне правілаў дарожнага руху або эксплуатацыі транспартных сродкаў асобай, якая кіруе транспартным сродкам, што пацягнула па неасцярожнасці смерць чалавека або нанясенне цяжкага цялеснага пашкоджання»).
