«Здраднік і падлюга». Дарадца прэзідэнта Польшчы — пра суддзю Шміта, які збег у Беларусь
Станіслаў Жарын жорстка выказаўся пра суддзю, які запытаў палітычнага прытулку ў Беларусі.
Станіслаў Жарын. Скрыншот відэа в X
Дарадца прэзідэнта Польшчы Станіслаў Жарын мяркуе, што суддзя Томаш Шміт, які запытаў у Беларусі палітычны прытулак, стане зоркай прапаганды.
«Яго будуць прадстаўляць як чалавека з унутраных заходніх структур, які давярае хлусні расійскай і беларускай прапаганды. Такім чынам ён далучыўся да гібрыднай вайны супраць Польшчы. Гэта здрада Рэспубліцы Польшча», — напісаў Жарын у X.
Былы намеснік каардынатара польскіх спецслужбаў не ведае, ад чаго бяжыць Шміт.
«Раней падобныя дзеянні ў Польшчы здзяйснялі тыя, хто баяўся адказнасці за свае дзеянні. Ніхто ў здаровым розуме не ўцячэ ў Беларусь, каб стаць марыянеткай у руках Пуціна і Лукашэнкі», — адзначыў Жарын.
Ён назваў Шміта падлюкай і здраднікам.
Чытайце таксама:
Польскі суддзя папрасіў абароны ў беларускіх уладаў
Што за суддзя, які збег з Польшчы да Лукашэнкі? Томаш Шміт датычны да зліву кампрамату на калег
