У МУС расказалі, чым будуць займацца расійскія паліцэйскія на Еўрапейскіх гульнях
На час правядзення Еўрапейскіх гульняў у 2019 годзе і чэмпіянату свету па хакеі ў 2021 годзе ў Беларусі будуць працаваць расійскія паліцэйскія. У МУС Беларусі расказалі, чым менавіта зоймуцца іх калегі і навошта іх запрасілі.
Ігар Шуневіч і кіраўнік МУС Расіі Уладзімір Калакольцаў. Фота: прэс-служба МУС Беларусі.
«У гэтым канкрэтным выпадку гаворка ідзе не пра прысутнасць расійскіх паліцэйскіх на спартыўных і грамадскіх аб'ектах, а пра аказанне калегамі кансультатыўнай і метадычнай дапамогі пры правядзенні спартыўных мерапрыемстваў з улікам напрацаванага вопыту ў перыяд правядзення спартыўных спаборніцтваў сусветнага ўзроўню на тэрыторыі Расіі, у тым ліку апошняга чэмпіянату свету па футболе ў 2018 годзе», — растлумачылі ў МУС.
Раней Ігар Шуневіч заявіў, што расійскія праваахоўнікі будуць задзейнічаны ў Беларусі на час правядзення II Еўрапейскіх гульняў у 2019 годзе і чэмпіянату свету па хакеі ў 2021 годзе.
