Бабруйчанін напіўся і прадэманстраваў палавы орган жанчыне і 4 дзецям
Эксгібіцыяністам ён не з'яўляецца, атрымаць сэксуальнае задавальненне ад свайго ўчынку ён не імкнуўся. Гэта быў проста п'яны выбрык.
58-гадовы мужчына пражывае ў адным з дамоў па вуліцы Ракасоўскага са сваёй жонкай і непаўналетняй дачкой. У аднапавярховым доме пражывае некалькі сем'яў. У той дзень мужчына выпіў, у іх з жонкай здарыўся канфлікт, ён ударыў яе па галаве і падрапаў. Жанчына папрасіла сваю дачку збегаць да суседкі па дапамогу, а сама выйшла на вуліцу і прысела на ганку. 32-гадовая суседка прыйшла да яе і пачала па тэлефоне выклікаць міліцыю. Гэта пачуў раз'юшаны нецвярозы муж пацярпелай. Ён выйшаў на ганак, палаяўся з суседкай, а затым зняў штаны і прадэманстраваў ёй свой палавы орган. Пры гэтым побач з жанчынамі знаходзіліся чацвёра непаўналетніх дзяцей. Сведкамі гэтай сцэны сталі і іншыя суседзі, яны выклікалі міліцыю.
Супраць мужчыны праваахоўнікі распачалі крымінальную справу за хуліганства. Яму пагражае: грамадскія працы, або штраф, або папраўчыя работы на тэрмін да двух гадоў, або арышт, або абмежаванне волі на тэрмін да двух гадоў, або пазбаўленне волі на тэрмін да трох гадоў.
Мужчына з'яўляецца інвалідам 2 групы, не працуе, злоўжывае спіртным.
