Ва Украіне разбіўся тураўтобус з беларусамі, якія вярталіся з адпачынку: пяць чалавек загінулі
У Мікалаеўскай вобласці Украіны рэйсавы мікрааўтобус Адэса — Гомель з нумарамі Гомельскай вобласці урэзаўся ў грузавік, загінулі пяць чалавек, паведамілі ў паліцыі Мікалаеўскай вобласці.
Трагедыя адбылася каля 5 гадзін раніцы 20 ліпеня на трасе Кіеў — Адэса каля пасёлка Крывое Возера. Рэйсавы мікрааўтобус «Адэса - Гомель» урэзаўся ў грузавік, які, па папярэдніх дадзеных, стаяў з правага боку праезнай часткі з-за няспраўнасці.
«З прычыны ДТЗ кіроўца і чацвёра пасажыраў мікрааўтобуса загінулі на месцы, яшчэ 12 пасажыраў з цялеснымі пашкоджаннямі рознай ступені цяжкасці дастаўлены ў медыцынскую ўстанову. Высвятляюцца дадзеныя пацярпелых», - кажуць у паліцыі.
Высвятляюцца абставіны здзяйснення дарожна-транспартнага здарэння, разглядаецца пытанне аб крымінальнай справе.
У МЗС Беларусі пацвердзілі, што ў ДТЗ у Мікалаеўскай вобласці загінулі 5 чалавек, 12 знаходзяцца ў бальніцы, 3 з якіх у цяжкім стане.
«Пасольства Беларусі ва Украіне знаходзіцца ў кантакце з мясцовымі ўладамі і паліцыяй. Прымаюцца ўсе неабходныя меры», - паведаміў TUT.BY прэс-сакратар ведамства Анатоль Глаз.
