Трое маладых вяскоўцаў жорстка забілі жанчыну, а потым цела закапалі ў іншым раёне
sk.gov.by
Следчым упраўленнем УСК па Гомельскай вобласці высвятляюцца абставіны забойства 35-гадовай жыхаркі в. Ломавічы Акцябрскага раёна, якая з чэрвеня лічылася без вестак зніклай, піша sk.gov.by
У міліцыю заяву аб знікненні паступіла ад яе маці. Следчыя высветлілі, што датычнасць да забойства маюць трое жыхароў вёскі Чырвоная Слабада: ім 19, 20 і 29 гадоў.
22 мая жанчына паехала да свайго знаёмага ў суседнюю вёску. Вечар яна вырашыла правесці ў доме яго аднавяскоўца ў кампаніі трох незнаёмых мужчын. Ноччу, пасля распіцця спіртнога, у гаспадарчай пабудове ёй нанеслі ўдары палкай і цэглай па галаве. Ад атрыманых траўмаў жанчына памерла.
Мужчыны вывезлі цела жанчыны ў лес на тэрыторыі Петрыкаўскага раёна і закапалі. У далейшым, калі мужчыны патрапілі ў поле зроку праваахоўнікаў, двое з іх паспелі перапахаваць цела ў лесе, дзе яно і было выяўлена ў ходзе расследавання, паведамляе СК.
