Даслаць навіну
Знайсці
11.07.2018 / 18:30 9

Якая падступнасць! Той, хто на дыеце, ад кавуна і яблыка такога дакладна не чакаў

Усе паненкі, якія сядзяць на дыеце, з нецярплівасцю чакаюць лета. Бо ягады, садавіна, кавуны і дыні. І вось мы запаўняем халадзільнікі гэтымі сакавітымі, спелымі прадуктамі і ладзім сабе разгрузачныя дні.

Аказваецца, жэрці садавіну кілаграмамі ні разу не карысна. Таму што лішак фруктозы парушае тлушчавы абмен і вядзе да назапашвання лішніх кілаграмаў.

Павялічыць выяву

«Патлумачце мне, чаму так, — піша чытачка «Нашай Ніны» Рагнеда. — Заўважаю гэта другі год запар. Летам я пераходжу на садавіну, і акурат у гэты перыяд набіраю вагу. Так было мінулым летам і тое самае назіраю цяпер. Цэлы чэрвень ела толькі клубніцы, маліны, яблыкі, і набрала за месяц 2 кілаграмы».

Пра тое, чаму гэта так працуе, мы пагутарылі з фітнэс-трэнерам Дзмітрым Сяверыным.

«У садавіне — кавунах, яблыках, чарэшнях, усялякіх ягадах — утрымліваецца шмат фруктозы. Арганізм чалавека перапрацоўвае яе абсалютна па-іншаму, чым тую ж глюкозу. Фруктоза хутка і лёгка расшчапляецца і засвойваецца, не паспявае ператварацца ў тлушч, як іншыя вугляводы.

Пры гэтым тым самым фруктоза перашкаджае працэсу спальвання ліпідаў. А таксама блакуе ўтварэнне гармонаў, таму арганізм не разумее, колькі энергіі ён ужо выдаткаваў і засвоіў.

Таму падчас дыеты я б рэкамендаваў есці толькі 1—2 яблыкі ў дзень. І які-небудь цытрус, і тое да чатырох гадзін дня».

Калі казаць прасцей, садавіна не дае нашаму мозгу атрымаць своечасовую інфармацыю пра тое, што мы з’елі даволі. Як вынік, мы пераядаем у разы. Асабліва не рэкамендуецца спажываць садавіну перад ядой.

Павялічыць выяву

І яшчэ, нізкая каларыйнасць кавуноў — гэта таксама падман. Здавалася б, у 100 грамах гэтай ягадкі ўсяго 20 калорый. А цяпер, увага. Колькі кавуна вы можаце затачыць адразу? Ага, кілаграм, а то і два. А гэта ўжо паўнацэнныя 200—400 калорый. Прычым гэта чыстыя вугляводы.

Так што, калі і хочацца нейкіх сезонных прысмакаў, то хай гэта будзе жменя малінаў ці суніц, адзін яблык, адзін кавалак кавуна ў дадатак да ежы.

А перакусваць усе ж варта клятчаткай. Так што, кавуны — прэч з халадзільніка, а агурочкі — вэлкам.

Наталля Тур, фота pixabay.com

3
Гость / адказаць
12.07.2018 / 08:00
Суточная потребность человека 2000-4000 килокалорий, что эквивалентно 10 тоннам этих диетических арбузов !
0
Алена / адказаць
12.07.2018 / 12:42
а бацюхна, ну што гэта за жыццё, кавуна баяцца! набралі 2 кг, скінулі! у чым праблема?
0
Telegram-канал cybulinka. / адказаць
15.07.2018 / 15:58
Фруктоза не так моцна, у параўнаньні з глюкозай, павышае ўзровень інсуліну ў крыві. Таму чалавек можа зьесьці нечага яшчэ болей. Некалі ладзілі дасьледваньне: дзьве групы ахвочых, адны пілі напоі з фруктозай, другія з глюкозай. Потым удзельнікам досьледу сканавалі мозаг і паказвалі малюнкі са смачнай ежай. У выніку жаданьне "перакусіць" было большым у тых, хто спажываў фруктозу. Аднак гэта не актуальна для садавіны і гародніны, бо там фруктоза трапляе ў арганізм чалавека са значнай колькасьцю цэлюлёзы. Цэлюлёза арганізмам не засвойваецца і рушыць далей у тоўсты кішачнік разам з фруктозай. То бок фруктоза мінуе страўнік і, адпаведна, не засвойваецца арганізмам. Таму не зусім зразумела, якім чынам фруктоза з тоўстага кішачніку "перашкаджае працэсу спальвання ліпідаў" і "блакуе ўтварэнне гармонаў" (якіх?), улічваючы той факт, што фруктоза метабалізуецца пераважна ў печані (там фруктоза пераўтвараецца ў глюкозу). Кавун ўсё-ткі мае энэргетычную каштоўнасьць большую за "20 калорый": ад 25 ккал на 100 г. прадукту. Да таго ж ў гэтай колькасьці прадукту шмат вады, каля 5.8 г. вугляводаў і пэўная колькасьць целюлёзы, куды ж без яе.
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28