Валожынцы загінулі ў аварыі пад Смаленскам — ззаду ўрэзалася фура, кіроўца якой проста заснуў
Масавае ДТЗ з удзелам трох фур і мікрааўтобуса адбылося ў ноч на 5 ліпеня на трасе ў Сафронаўскім раёне, што на Смаленшчыне.
Як распавядаюць відавочцы, аварыя здарылася каля поста ДЗІБДР перад светлафорам.
Фура, якая рухалася наперадзе, рэзка спынілася і ззаду ў яе урэзаўся мікрааўтобус, а затым яшчэ два трэйлеры.
«Кабіну Volvo не так моцна падушыла, а DAF наогул вывярнула, шмат паліцэйскіх, усё загароджана, ад легкавіка нічога не засталося, адны трупы», — паведамляюць мясцовыя жыхары.
Прэс-служба рэгіянальнага МНС пацвярджае наяўнасць пацярпелых.
Падрабязнасці аварыі высвятляюцца, піша сайт smolensk-i.ru.
У гэты ж дзень у суполцы «Тыповы Валожын» «Укантакце» з'явілася наступнае паведамленне:
«Пайшоў з жыцця мой сябар, Ілля Жукавец, сёння раніцай у аўтакатастрофе пад Смаленскам ён стаяў на светлафоры перад фурай, а кіроўца іншай фуры, якая ехала за ім, заснуў, і заціснуў. З ім яшчэ быў напарнік, мянушка Цішка, імя не памятаю, ён таксама загінуў».
