26 чэрвеня — прэзентацыя кнігі пра сілу волі
«Акадэмкніга» (пр.Незалежнасці, 72). Пачатак а 18:00.
26-га чэрвеня адбудзецца прэзентацыя «Сіняй кнігі беларускага алкаголіка ПЛЮС» Антона Кулона.
На імпрэзе аўтар распавядзе пра кнігу, працэс яе напісання і адкажа на пытанні чытачоў. Саліст гурта «Recha» Андрусь Такінданг праспявае некалькі песень, а крытык Юрась Пацюпа і літаратар Зміцер Вішнёў падзеляцца сваімі уражаннямі ад кнігі.
«Сіняя кніга беларускага алкаголіка ПЛЮС» — гэта дапрацаваны варыянт кнігі «Сіняя кніга беларускага алкаголіка», якая выйша ў 2012 годзе і выклікала рэзананс як у літаратурных колах, так і ў колах непітушчых алкаголікаў і больш таго — дзейных.
У кнізе распавядаецца пра прыгоды аматара выпіць і пра тое, як герой кнігі пераспрабаваў многія спосабы барацьбы з алкагалізмам і, нарэшце, знайшоў свой шлях. У кнізе даволі імёнаў легендарных дзеячаў беларускай культуры: Кіма Хадзеева, Міхася Стральцова, Міколы Капыловіча і іншых.
Набыць кнігу можна будзе падчас імпрэзы ў «Акадэмкнізе», а таксама на сайце halijafy.by і ў краме выдавецтва на Нямізе, 3 (цокальны паверх, бокс 47).
![Клас Клас](https://nashaniva.com/images/reactions/reaction-like.png)
![Панылы сорам Панылы сорам](https://nashaniva.com/images/reactions/reaction-facepalm.png)
![Ха-ха Ха-ха](https://nashaniva.com/images/reactions/reaction-smile.png)
![Ого Ого](https://nashaniva.com/images/reactions/reaction-omg.png)
![Сумна Сумна](https://nashaniva.com/images/reactions/reaction-sad.png)
![Абуральна Абуральна](https://nashaniva.com/images/reactions/reaction-anger.png)