Дыега Марадона ўзначаліць зборную Аргентыны па футболе
«Мая асноўная праца будзе заключацца ў тым, каб назіраць за гульцамі, ‑‑ сказаў ён. — Мне трэба пагутарыць з кожным паасобку, а потым ужо прыступім да трэніровак».
 Фота cnn |
Марадона, якому заўтра спаўняецца 48 гадоў, пагадзіўся стаць галоўным трэнерам зборнай, а Біларда — генэральным дырэктарам зборнай.
Марадона заменіць Альфіё Басіле на пасадзе галоўнага трэнера зборнай, які, нагадаем, прывозіў «б’янка‑сэлестэ» ў Менск.
«Мая асноўная праца будзе заключацца ў тым, каб назіраць за гульцамі, — сказаў Марадона. — Мне трэба пагутарыць з кожным паасобку, а потым ужо прыступім да трэніровак», цытуе ягоныя словы Спорт-Экспресс.
У Дыега Марадоны — аднаго з найлепшых футбалістаў сусьветнага футболу (ён — чэмпіён сьвету-1986 — і віцэ-чэмпіён-1990) ужо быў вопыт трэнерскай працы. У 1994 ён кіраваў аргентынскімі клюбамі «Дэпартыва» і «Расінг».
З футболам Марадона канчаткова разьвітаўся ў 37 гадоў, доўгі час лячыўся ад нарказалежнасьці, змагаўся з атлусьценьнем. Пасьля апошняй апэрацыі Дыега Марадона скінуў 30 кіляграмаў вагі ды вярнуўся да актыўнага жыцьця. Нядаўна вось наведаў Тбілісі.
