У Аўстраліі прадставілі самы вялікі ў свеце 3D-прынтар
Аўстралійская Titomic прадставіла самы вялікі ў свеце 3D-прынтар, які можа вырабляць металічныя вырабы.
Па памерах прынтар параўнальны з аўтобусам, з яго дапамогай можна вырабіць, напрыклад, дзевяціметровыя дэталі крыла самалёта. Акрамя таго, гэты прынтар працуе вельмі хутка, напрыклад, ён дазваляе вырабіць веласіпедную раму ўсяго за 25 хвілін.
З аўстралійцамі збіраецца супрацоўнічаць італьянская суднабудаўнічая кампанія Fincantieri, з дапамогай 3D-прынтара яна хоча вырабляць дэталі для марскіх судоў.
3D-друк можа забяспечыць экспанентны рост хуткасці вытворчасці. Напрыклад, ён дазволіць амерыканскім вытворцам ровараў, якія пераносяць вытворчасць у рэгіёны з таннай працоўнай сілай, вярнуцца да мясцовай вытворчасці. Па словах дырэктара кампаніі, адзін такі прынтар выконвае працу 50 чалавек.
