Даслаць навіну
Знайсці
11.03.2018 / 17:15 47

Крык душы студэнта БНТУ: ІТ-краіна? У нас нават забараняюць пісаць курсавыя на камп'ютары!

Павялічыць выяву

Эпоха змянілася, а вучаць па-даўнейшаму. Калаж з сайта Bntu.by.

Я амаль заканчваю Беларускі нацыянальны тэхнічны ўніверсітэт, будаўнічы факультэт. І вось у той час як з прэзідэнтам мы будуем ІТ-краіну, выкладчыкі будфака забараняюць выкарыстоўваць камп'ютар для выканання курсавых работ. Ад слова «зусім».

Матывуюць, што змагаюцца з плагіятам. Але гэта нонсэнс. Нікому не сакрэт, што існуе цэлая індустрыя па перапісванні курсачоў. Хто хоча спісаць і купіць — зробіць.

Яшчэ адна адгаворка выкладчыкаў: плагіятараў і купцоў курсавых не выгнаць, бо забараняюць, таму хоць як выхаваць вось такімі дурнымі патрабаваннямі. Лухта!!! Проста выкладчыкі трымаюцца за дробныя прэміі (вядома, што калі адлічваць шмат — прэмія гудбай), а яшчэ ім лянота прымаць пераздачы, бо другая праца ёсць, і часам яна не другая, а першая, а выкладанне — па рыжанькім ад часу канспекце студэнцкіх часоў выкладчыка. Дый да таго ж, чаму праз гультаёў пакутуюць нармальныя студэнты?

Яшчэ адзін нонсэнс. У будаўнічай галіне існуюць стандарты. Беларусь два гады таму перайшла на еўрапейскія з савецкіх. А вось кафедра металаканструкцый вучыць па сённяшні дзень савецкім, некаторыя з якіх адменены нават у Расіі.

І нават забараняюць выкарыстоўваць еўрапейскія ў вучэбным праектаванні. Адна з думак, чаму так — гэта таму, што 90 адсоткаў выкладчыкаў не жадаюць разбірацца ні з чым новым і працуюць па старых БНІПах (будаўнічых нормах), але даюць працу астатнім 10%, якія запрашаюць студэнтаў на платныя курсы па вывучэнні еўракодаў. У навучальны час кансультаваць студэнтаў, як працаваць з еўранормамі, з гэтых 10% выкладчыкаў адмаўляецца палова — ідзіце на платныя курсы. Гэта відавочная нізасць і паскудства. Але добры спосаб смактаць грошы з праектных фірмаў.

Глядзіце. Кожны год з 200 студэнтаў выпуску 60 ідуць у праектаванне. За пяць гадоў асвоілі б гэтыя нормы ва ўсіх фірмах. Але не. Выкладчыкі, відаць наўмысна, не вучаць, каб смактаць грошы з фірмаў. Прыязджае два чалавекі раз на год і праводзяць курсы па новых нормах без адрыву ад вытворчасці і за вялікія грошы.

Што не перашкаджае кафедры засвойваць грошы дзяржавы ўжо дзесяць гадоў на вывучэнне еўрапейскіх нормаў і расказваць на канферэнцыях, як яны інтэгравалі іх у навучальны працэс.

Варта адзначыць што не весь будаўнічы факультэт гнілы, ёсць выкладчыкі, якім хоць за 80, але яны аўтары самага сучаснага і шыкоўнага з рускамоўных падручнікаў па механіцы — іх люблю і паважаю. Тады як у некаторых іншых выкладчыкаў патрабаванні настолькі дурныя, што нельга нават выкарыстаць праграмаваны калькулятар!

Бо выкладчык не пабачыць ход вылічэнняў (напрыклад A+B=3+2=5, а на калькулятары, не кажучы пра сістэмы інжэнерных вылічэнняў, так не зробіш. Яны выдадуць на дысплей адказ А+B=5, а выкладчыкі ўсё перакрэсліваюць. Яны яшчэ кажуць: «У нашы часы (60-я) мы і ўвогуле без калькулятараў жылі і выраслі нармальнымі людзьмі». Яшчэ кажуць, што дзесьці ў Германіі таксама такія ж патрабаванні. Але гэта поўная лухта. Большасць з выкладчыкаў і моў замежных не ведаюць.

Я вось ведаю студэнтаў з Францыі ды Польшчы — нідзе няма такога. Наадварот, у навучальных праграмах там акцэнт на авалодванне камп'ютарнымі тэхналогіямі.

Можа паказацца, што гэта дробязь. Але не зусім. Па-першае, гэта адставанне ад свету. Па-другое, дурная муштра рыхтуе рабоў, а не творцаў. Па-трэцяе, бай-бай экспарт тых жа інжынірынгавых паслуг, а маглі б хмарчосы для сяброў Лукашэнкі з Катара маляваць. Па-чацвёртае, бай-бай замежныя студэнты (будфак з іх нязменнай з 60-х гадоў праграмай просіць шалёныя грошы з замежнікаў за падрыхтоўку на рускай мове). Па-пятае, кансервуецца адставанне будаўнічай галіны.

Для мяне гэта ўсё амаль закончана, працую над дыпломам, але шкада змарнаванага часу. І крыўдна за краіну.

Студэнт

2
natasha_b / адказаць
15.03.2018 / 12:36
"Чэсны" препод
Беда, что тот же автокад не приветствуется до пятого курса. Передирают? Да, передирают. Слушайте, но на защите же посыпятся. И к тому же ради того чтобы воспитать десять двоечников, подталкиваете десять отличников лгать, изворачиваться, выкручиваться. 
Выпуск 15 года, автокад велся никак и на старших курсах, когда не до него, успеть бы два курсача сделать, ему бы место на первом курсе, ведь никому, кроме кафедры начерталки и даром не сдалось черчение два года, даже в Москве сократили до одного. 
Все эти ручные методы ничего не простые.
Ваши "простые" ручные методы ничего не простые. Они создавались, когда надо было слепить из г. конфетку и минута работы компьютера стоила, как зарплата доцента за месяц. Но сейчас тот же робот позволяет понять механику того, что в них считаем, если бы вы разрешали играть с ними на курсовых, а не цеплялись за милые сердцу коэффициенты. На дипломе, проводила опрос среди тех, с кем ходила на процентовки 70% взяли материалы своего диплома по месту практики и выдали за свои. 
1
Анюта / адказаць
15.03.2018 / 17:46
Закончила БНТУ.
Писала курсовые на стройфаке от руки, правда.

Но преподов полностью понимаю. Электронные курсовые и рефераты на 90% - копипаста (Ctrl+C -- Ctrl+V). Факт.

Возможно писать вручную как в старом добром совке - не  лучший выход.

Просто нужно искать какой-то креативный способ, чтобы персонализировать этот труд.
0
Евгений / адказаць
19.03.2018 / 11:24
1, Преподаватель Сергей, Борисевич А.А. "Строительная механика"
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2017 2018 2019
ПН АЎ СР ЧЦ ПТ СБ НД
1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31