Рэгнумаўцы атрымалі пяць гадоў пазбаўлення волі з адтэрміноўкай

Сёння ў Мінскім гарадскім судзе быў вынесены прысуд Дзмітрыю Алімкіну, Юрыю Паўлаўцу і Сяргею Шыптэнку, аўтарам публікацый на прарасійскіх сайтах. Суд прызнаў іх вінаватымі ў наўмысных дзеяннях, накіраваных на распальванне нацыянальнай варожасці або розні, учыненых групай асоб. Яны атрымалі пяць гадоў пазбаўлення волі з адтэрміноўкай на тры гады, усіх трох вызвалілі ў зале суда пад падпіску аб нявыездзе.

Падтрымаць на абвяшчэнне прысуду прыйшлі паўсотні чалавек.

Нагадаем, што дацэнт БДУІР Юрый Паўлавец, брэсцкі ахоўнік Дзмітрый Алімкін і галоўны рэдактар часопіса «Новая эканоміка» Сяргей Шыптэнка былі затрыманыя ў снежні 2016 года з-за публікацыі на сайтах расійскіх выданняў «Регнум», Lenta.Ru і EurAsia Daily. За публікацыі на іх завялі крымінальную справу па ч. 3 арт. 130 (Распальванне расавай, нацыянальнай або рэлігійнай варожасці або розніцы, здзейсненае групай асоб, - ад 5 да 12 гадоў пазбаўлення волі). Са снежня 2016 года трое затрыманых знаходзіліся пад вартай.

У чэрвені 2017 года на Паўлаўца і Шыптэнку завялі новую крымінальную справу па артыкуле аб незаконнай прадпрымальніцкай дзейнасці.

У сакавіку ў Маскве па запыце беларускіх следчых затрымалі шэф-рэдактара «Рэгнума», беларускага грамадзяніна Юрыя Баранчыка. Але экстрадыцыі не адбылося — маскоўскі суд вызваліў яго з-пад арышту. Сам Баранчык падаў прашэнне аб палітычным прытулку.

Суд на Алімкіным, Паўлаўцом і Шыпценка пачаўся 18 снежня

Пракурор папрасіў у суда для аўтараў «Рэгнума» 5 гадамі пазбаўлення волі з адтэрміноўкай пакарання на 3 гады.

Чытайце таксама: