У Беларусі распрацоўваюць пісталет для цывільнага рынку
У Беларусі распрацоўваецца модульны пісталет пад магутны патрон 9x19 Parabellum, перадае tut.by з выставы Дзяржаўнага ваенна-прамысловага камітэта. Зброя прызначаная не для спецпадраздзяленняў, а для цывільнага рынку тых краінаў, дзе дазволены яе вольны продаж.
Пісталет ПВ-17 зараз існуе толькі ў выглядзе макета, і характарыстыкі ягоныя, магчыма, яшчэ будуць мяняцца.
Прадстаўнікі «БСВТ-Новыя тэхналогіі» распавялі, што многія дэталі пісталета з часам будуць вырабляцца з палімераў, што прывядзе да істотнага зніжэння вагі зброі. Распрацоўка ПВ-17 зойме яшчэ, як мінімум, год.
Пісталет забяспечвае прыцэльную далёкасць стральбы да 50 метраў, магазін разлічаны на 17 патронаў. Даўжыня пісталета ўсяго 220 мм, шырыня — 30 мм.
0
0
0
0
0
0
Каментары
Каб пакінуць каментар, калі ласка, актывуйце JavaScript у наладах свайго браўзера
Каб скарыстацца календаром, калі ласка, актывуйце JavaScript у наладах свайго браўзера