Даслаць навіну
Знайсці
13.12.2017 / 19:03

Найлепшае беларускае кіно гэтага года — у адным сеансе 17 снежня

17 снежня, у Дзень беларускага кіно, кінатэатр «Піянер» пакажа 7 кароткаметражных фільмаў беларускіх рэжысэраў-удзельнікаў сёлетняга кінафестывалю «Лістапад». У праграму ўвайшлі стужкі Улады Сяньковай, Дзмітрыя Дзядка, Нэлі Васілеўскай, Сашы Сцельчанка, Лізаветы Рыдван і фільм Юліі Рудзіцкай «І поўня стала», які стаў найлепшай анімацыйнай карцінай Нацыянальнага конкурсу «Лістапад». Пра фільмы раскажуць здымачныя групы. Пачатак паказу а 16-й.

Павялічыць выяву

Фільм «From a Great Height» (першапачатковая назва «Paranoid Android») Улады Сяньковай распавядае пра тое, як збег абставінаў зводзіць сірыйцаў і беларуса ў цягніку на Варшаву. Гэта не першая кароткаметражная праца Улады, у 2015 годзе «Лістапад» паказаў яе фільм «Беларусь якая». А яе поўнаметражны дэбют «Граф у апельсінах», зняты два гады таму, атрымаў Discovery Award на кінафестывалі ў Котбусе (Германія), дыплом «За смелы і свежы погляд» на «Лістападзе-2016», а таксама ўзяў удзел у Маскоўскім міжнародным кінафестывалі.

Павялічыць выяву

«Сумленны погляд» Дзмітрыя Дзядка распавядае пра жыццё маладога рэжысёра, які здымае фільм, галоўны герой якога — нешта сярэдняе паміж Данілам Багровым з фільма «Брат» і героем «Сталкера» Таркоўскага. Аўтар гэтага іранічна «кіно пра кіно», які выклікаў яркія эмоцыі ў гледачоў «Лістапада», Дзмітрый Дзядок — адзін з самабытных маладых аўтараў, паспяхова працуе і ў ігравым ( «Невядомы мужчына»), і ў дакументальным ( «Паміж небам і зямлёй») кінематографе.

Павялічыць выяву

Наступны фільм праграмы Дня беларускага кіно — «Сябры па перапісцы» Нэлі Васілеўскай. Антон і Ліза знаёмыя ўжо год, яны закаханы адзін у аднаго, але камунікуюць выключна праз сацыяльныя сеткі, бо жывуць у розных гарадах. Антон адважваецца прыехаць да Ліды з Масквы ў Мінск, каб сустрэцца ў рэальнасці. Нэлі Васілеўская — малады беларускі рэжысёр, на рахунку якой ужо каля дзесяці кароткаметражных фільмаў, неаднаразова была ўдзельнікам і прызёрам кінафестываляў у Беларусі, Расіі, Украіне, Польшчы, Казахстане, Германіі.

Яшчэ адзін фільм праграмы — «Імітацыя» Сашы Сцельчанкі, студэнта Пражскай акадэміі выяўленчага мастацтва. Алена, якая працуе ў Чэхіі хатняй гаспадыняй, упэўнена: калі яна будзе з Томашам, яе чакае выдатная будучыня. Сваё сацыяльнае становішча яна ўспрымае як перашкоду. Няўпэўненасць у сабе і пачуццё неабароненасці прымушаюць яе хаваць праўду і весці падвойнае жыццё.

Павялічыць выяву

Фільм «Трамвай» Лізаветы Рыдван распавядае гісторыю маладога чалавека, які закахаўся ў дзяўчыну свайго брата. Гэта карціна пра непаразуменне ў сям'і, няўважлівасць да блізкіх і пра адзіноту. «Трамвай» — дэбютная работа Лізаветы, цяпер яна вучыцца ў УДІК імя С. А. Герасімава (майстэрня Сяргея Салаўёва).

Павялічыць выяву

У праграму ўвайшоў таксама адзін анімацыйны фільм — работа Юліі Рудзіцкай «І поўня стала», у якім паспяхова спалучаюцца фальклор, містыка і найвышэйшы ўзровень анімацыі. Карціна Юліі заваявала ўзнагароду Нацыянальнага конкурсу «Лістапад» як найлепшы анімацыйны фільм, а таксама шматлікія прызы фэстаў па ўсім свеце.

Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
снежань студзень люты
ПН АЎ СР ЧЦ ПТ СБ НД
1 2 3 4 5 6
7 8 9 10 11 12 13
14 15 16 17 18 19 20
21 22 23 24 25 26 27
28 29 30 31