Навукоўцы распавялі, як зразумець, што вам хлусяць у перапісцы
Спецыялісты з Корнэльскага ўніверсітэта Нью-Ёрка высветлілі, як распазнаць ілжывыя пасланні ў перапісцы. Для гэтага яны распрацавалі уласны Android-месенджар і сабралі калекцыю з 1,7 тыс. дыялогаў.
Усе дыялогі падзялілі на дзве падгрупы. У адной суразмоўцы паведамлялі праўдзівую інфармацыю, а ў іншай — нахабна хлусілі. У выніку былі атрыманыя цікавыя высновы.
У прыватнасці, удалося выявіць, што мужчынскую хлусню ў паведамленнях распазнаць складаней. Жанчыны, калі хлусяць, выкарыстоўваюць доўгія і падрабязныя тэксты, у той час як даўжыня мужчынскіх паведамленняў не змяняецца ў залежнасці ад праўдзівасці ці лжывасці пасланняў.
Кажучы няпраўду, жанчыны часцей пішуць «я», а мужчыны — «мой». Таксама хлуслівыя дыялогі працятыя ні да чаго не абавязваючымі ўніклівымі словамі: «магчыма», «здаецца», «імаверна», «вядома» і г. д.
