«Падымі сваю тушу і пазбаўся ад тлушчу» — правакацыйны трэш-кліп ВІДЭА
Памятаеце відэагімн беларускай нацыянальнай страве? Сэкс, танцы і бульба — гэта калі ў двух словах пра тое, а што ў ім там было. Дык вось цяпер рэпер прэзентаваў новую работу — «Спалі тлушч». Аўтарскі стыль цалкам захаваны, Піліпа ні з кім не зблытаеш.
«Ты ляжыш на канапе, глядзіш серыялы,
Тваё цела далёка ад ідэалу.
Замест яблыка лепей возьмеш цукерку,
І зусім не мадэль ты бачыш у люстэрку.
Вялікі жывот, тры падбароддзі,
Цябе лёгка заўважыць паміж асяроддзем.
Толькі хопіць ляжаць, падымі сваю тушу,
Пачні рухаць целам і пазбаўся ад тлушчу.
Болей за цэнтнер паказваюць вагі
Не пакідай гэты факт без увагі.
Займіся сабой, запішыся ў спартзалу,
Каб у люстэрка глядзецца без жалю.
Танчы паўсюль, рухай целам паболей,
Адарваць ад канапы азадак свой здолей.
Не будзь сярод статка кароў, быкоў,
Спалі ўвесь тлушч са сваіх бакоў», — спявае музыка.
Асноўны пасыл — «павер у сябе, ты можаш усё».
Гэты кліп, як і пра бульбу, выйшаў у межах праекта «Краіна мараў» — новая форма падтрымкі і прасоўвання беларускай мовы. Яго стварыў былы гулец юнацкай зборнай Беларусі па футболе Юрый Юрчанка. «Піліп Беспамылковы» — адзін з яго творчых псеўданімаў.
Вам як такое заахвочванне да спорту?
