Даслаць навіну
Знайсці
11.08.2013 / 10:27 14

Рассельгаснагляд «знайшоў кішачную палачку» ў беларускіх прадуктах

Масква шантажуе Беларусь новай гандлёвай вайной?

Бактэрыі кішачнай палачкі нібыта знойдзены ў ялавічыне і тварагу з Беларусі. Пра гэта гаворыцца ў паведамленні Федэральнай службы Расіі па ветэрынарным і фітасанітарным кантролі.

«Пры лабараторных даследаваннях вяндліны, якая паступіла з ААТ «Барысаўскі мясакамбінат», у партыі ялавічыны, якая паступіла з ААТ «Мёрскі мясакамбінат», і ў партыі тварагу, які паступіў з прадпрыемства ААТ «Савушкаў прадукт», выяўлены бактэрыі групы кішачнай палачкі, — паведамляецца ў прэс-рэлізе Рассельгаснагляду. — Прынята рашэнне паінфармаваць дзяржаўную ветэрынарную службу Беларусі аб выяўленых выніках для прыняцця мер па выпуску прадукцыі, якая адпавядае патрабаванням бяспекі Мытнага саюза».

У мінулым Расспажыўнагляд не раз выкарыстоўваўся ў палітычных мэтах. Пад яго забарону траплялі беларускае малако, малдаўскія віны, грузінская баржомі — прадукцыя найлепшай якасці, лепшая за расійскія аналагі. Пасля ўрэгулявання канфліктаў прадукцыя адразу пераставала быць няякаснай і вярталася на расійскі рынак.

Нядаўна, як паведамлялася, Расія забараніла пастаўкі ўкраінскіх цукерак і шакаладу. Адначасова са слодычамі Масква паставіла бар’еры на шляху імпарту ўкраінскіх труб. На думку назіральнікаў, цяпер Масква хоча сарваць падпісанне дамовы пра асацыяцыю між Украінай і Еўрасаюзам.

Пытанне, ці далучыцца Беларусь да Крамля ў ціску на Украіну, мае істотнае палітычнае значэнне.

Беларусь пакуль не забараніла ўкраінскія цукеркі следам за Расіяй.

Іншы канфлікт разгортваецца ў калійнай сферы. Пасля адмовы Беларусі прыватызаваць «Беларуськалій» на выгадных для расійскага капіталу ўмовах «Уралкалій» выйшаў з адзінай трэйдарскай кампаніі з «Беларуськаліем», а расійскі ўрад запатрабаваў ад Беларусі спыніць дэмпінг на рынку калійных угнаенняў унутры Расіі.

І вось цяпер «кішачная палачка» точыць нутро «саюзных адносінаў».

Мікола Бугай

0
JJ / адказаць
11.08.2013 / 22:24
Як у нашай колбачцы завяліся палачкі Кішачныя палачкі з набытай ялавічыны А з набытай кілбасы завяліся мушачкі Загудзелі мушачкі пра справы палітычныя Што саюз падараваў ім жыцця раздольнага Бо гнілля на 200 год будзе назапашана Сцеражыцесь дзетачкі кішачнае палачкі Не ўступайце дзетачкі ў лайно ды ў партыю
0
кот / адказаць
11.08.2013 / 22:33
палітычная эпідэміалогія
0
Л.Баршчэўскі / адказаць
13.08.2013 / 23:12
2 Цюбіцейка Самыя аўтарытэтныя анатамічныя слоўнікі беларускай мовы - Ярашэвіча і інш. (1998 г.) і інбелкультаўскія слоўнікі 20-х гадоў - асобна панятак "кішэчнік" не вылучаюць, замяняючы яго на "кІшкі", бо "кішэчнік" - гэта й ёсьць тонкая і тоўстая кІшкі. Таму палачка цалкам можа быць кІшачнай. Або, калі па-вашаму, дык тады кішЭчнікавай. Але не кішЭчнай!
Паказаць усе каментары
Каб пакінуць каментар, калі ласка, актывуйце JavaScript у наладах свайго браўзера
пїЅпїЅпїЅ пїЅпїЅпїЅпїЅпїЅ, пїЅпїЅпїЅпїЅпїЅпїЅпїЅпїЅпїЅ JavaScript пїЅ пїЅпїЅпїЅпїЅпїЅпїЅпїЅ пїЅпїЅпїЅпїЅпїЅпїЅ пїЅпїЅпїЅпїЅпїЅпїЅпїЅ, пїЅпїЅпїЅ пїЅпїЅпїЅпїЅпїЅ пїЅпїЅпїЅпїЅпїЅ пїЅ пїЅпїЅпїЅпїЅпїЅпїЅпїЅ
пїЅпїЅпїЅпїЅпїЅпїЅпїЅпїЅпїЅпїЅпїЅ...
Каб скарыстацца календаром, калі ласка, актывуйце JavaScript у наладах свайго браўзера
2018 2019 2020
ПН АЎ СР ЧЦ ПТ СБ НД
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31