На «Еўрабачанні» перамог азербайджанскі поп

Дуэт Эль і Нікі з кампазіцыяй Running Scared.

Спевакі з Азербайджана Нігяр Джамалы і Эльдар Гасымаў упершыню ў гісторыі конкурсу сталі пераможцамі «Еўрабачання». Другое месца заняў спявак-піяніст з Італіі. А трэцяе месца здабыў спявак са Швецыі — скандынаўская копія расійскага Вараб’ёва.

Першыя месцы ўзялі пераважна чыстыя поп-кампазіцыі, без аніякіх эксперыментаў.

Аляксей Вараб’ёў з Расіі стаў толькі 16-м, прычым ніводная з краін не паставіла яго на першае месца, у тым ліку і Беларусь, якая раней заўжды аддавала Расіі найвышэйшы бал (выняткам быў суродзіч з Нарвегіі Рыбак).

Беларусы на «Еўрабачанні» прагаласавалі за Грузію, Украіну і Нямеччыну. Азербайджан заняў ніжэйшую пазіцыю.

Сяргей Гезгала

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0