Еўрапейскія дыпламаты прыйшлі да будынка суда, дзе разглядаецца справа журналіста Ігара Карнея
Журналіста абвінавачваюць ва ўдзеле ў «экстрэмісцкім фармаванні».
Еўрапейскія дыпламаты прыйшлі да будынка суда, дзе разглядаецца справа журналіста Ігара Карнея. Пра гэта паведамляе Прадстаўніцтва ЕС у Беларусі.
«Дыпламаты ЕС, Аўстрыі, Нідэрландаў, Славакіі, Швецыі, Германіі, Польшчы і Вялікабрытаніі сёння былі ля будынку суда на знак салідарнасці з Ігарам Карнеем, адным з 34 працаўнікоў СМІ, зняволеных у Беларусі, і ўсімі, каго судзяць па палітычных матывах», паведаміла Прадстаўніцтва ЕС у Беларусі.
Ігар быў затрыманы 17 ліпеня, дома ў журналіста быў праведзены ператрус.
Напачатку ён быў арыштаваны на 10 сутак, меркавана за падпіскі на «экстрэмісцкія» каналы. Затым супраць Ігара завялі крымінальную справу. Яго абвінавачваюць ва «ўдзеле ў экстрэмісцкім фармаванні» паводле ч. 3 арт. 361-1 КК.
Чытайце таксама:
Сёння пачынаецца суд над экс-журналістам Ігарам Карнеем
У афіцыйнага Мінска засталіся ўсяго тры паслы ў краінах Еўрасаюза з ранейшых 15
