Навальны знайшоўся за палярным кругам
Расійскі апазіцыянер, пра лёс якога нічога не было вядома з 6 снежня, знаходзіцца ў калоніі Ямала-Ненецкай аўтаномнай акругі.
Па словах прэс-сакратаркі палітыка Кіры Ярмыш, Навальны знайшоўся ў ПК-3 у пасёлку Харп Ямала-Ненецкай аўтаномнай акругі. З ім бачыўся адвакат.
«Умовы там жорсткія, з асобым рэжымам у зоне вечнай мерзлаты. Туды вельмі складана дабрацца», — адзначыў дырэктар ФБК Іван Жданаў.
«Гэта максімальна магчымы ўзровень ізаляцыі ад свету — для чаго ўсё і ладзілася», — заўважыў паплечнік Навальнага Леанід Волкаў.
Сувязі з Навальным не было амаль тры тыдні, з 6 снежня.
У Беларусі некаторыя палітвязні ізаляваныя ад сваякоў на месяцы. Пра Мікалая Статкевіча нічога невядома з лютага 2023 года, пра стан Віктара Бабарыкі нічога дакладна не вядома з красавіка.
Чытайце таксама:
Каб Пуцін не выглядаў дзедам. КПРФ вылучыла кандыдата ў прэзідэнты
У Крамлі заявілі пра адсутнасць жадання адсочваць лёс Навальнага
