Рэцэпт на выходныя: сонечная шакшука
Прапануем вам просты варыянт традыцыйнага яўрэйскага сняданку, але можна не браць да ўвагі ўмоўнасці і прыгатаваць шакшуку і на абед, і на вячэру. Можаце дадаць у соус свае любімыя прыправы: кары, вэнджаную папрыку, зіру. Эксперыментуйце!
Інгрэдыенты
- 1 сталовая лыжка аліўкавага алею
- 2 нарэзаныя чырвоныя цыбуліны
- калі любіце вастрыню — 1 чырвоны перац чылі, вычышчаны ад насення і дробна нарэзаны
- 1 зубчык часнаку, нарэзаны
- невялікі пучок каляндры (вы ведаеце яе яшчэ як кінзу), прычым трохі лісця пакрышыце асобна
- памідоры свежыя ці кансерваваныя, лепш такія, каторыя без скуры — сама смачна, калі чэры
- 1 чайная лыжка цукровай пудры
- яйкі — па колькасці едакоў
Першы крок
Разагрэйце алей у патэльні, цыбулю, перац чылі, часнок і сцеблы каляндры абсмажвайце на працягу 5 хвілін да мяккасці. Дадайце памідоры і цукар, затым на малым агні давядзіце соус да загусцення, гэта прыкладна зойме 8—10 хвілін, не забывайце памешваць страву.
Вялікай лыжкай зрабіце 4 ямінкі ў соусе, затым разбіце па яйку ў кожную выемку. Накрыйце патэльню накрыўкай, затым гатуйце на слабым агні 6—8 хвілін, пакуль яйкі не будуць такімі, якімі вы любіце іх есці. Пасыпаць лісцем каляндры і падаваць з храбусткім хлебам, а лепш з пітай, каб можна было мачаць яе кавалачкі ў соус.
Смачна есці!
