На выходных паабяцалі да +25°С, але з дажджамі
Пры павышаным фоне атмасфернага ціску назіраецца сонечнае надвор'е без ападкаў, а тэмпература паветра з кожным днём павышаецца, набліжаючыся да сваёй кліматычнай нормы, адзначылі сіноптыкі.
У пятніцу, 4 чэрвеня, характар надвор'я істотна не зменіцца. Будзе пераважна без ападкаў. Уначы +5..+11°С, удзень +18..+23°С, піша БелТА.
У Мінску +21°С.
У суботу стане больш аблокаў. Удзень у асобных раёнах краіны пройдуць невялікія кароткачасовыя дажджы. Ноччу +8..+13°С, удзень +20..+25°С.
У нядзелю, 6 чэрвеня, месцамі кароткачасовыя дажджы, удзень у асобных раёнах навальніцы. Днём паветра прагрэецца да плюс +19..+25°С.
У пачатку наступнага тыдня ў краіне чакаецца няўстойлівае і ўмерана цёплае надвор'е: уначы месцамі, а днём на большай частцы тэрыторыі пройдуць кароткачасовыя дажджы, ёсць імавернасць навальніц. Уначы +10..+15°С, днём +20..+26°С.