Еўрасаюз сур'ёзна ўзяўся за Telegram
Еўракамісія мае намер узмацніць нагляд за месенджарам праз адсутнасць на платформе пастаяннай мадэрацыі і кантролю за дзейнасцю тэрарыстаў і экстрэмістаў, паведамляе Devby.io.
У якасці свайго еўрапейскага прадстаўніка Telegram абраў брусэльскую кампанію European Digital Services Representative (EDSR). Праграму будзе рэгуляваць бельгійскае ведамства — «Інстытут паштовых і тэлекамунікацыйных тэхналогій» (BIPT). Рэгулятар будзе правяраць працу месенджара на адпаведнасць закону «Аб лічбавых паслугах» (DSA).
Згодна з новым законам DSA, усе буйныя IT-кампаніі, якія працуюць у ЕС, абавязаныя прызначыць свайго афіцыйнага прадстаўніка ў адной з краін-сяброў. Статус рэгулятара інстытут атрымае пасля адпаведнай публікацыі ў афіцыйным весніку ЕС. Любы чалавек зможа падаць скаргу ў BIPT на супрацьпраўны кантэнт у Telegram пры адсутнасці рэакцыі з боку месенджара.
DSA набыў моц у 2023 годзе. Ён абавязвае буйныя платформы з аўдыторыяй звыш 45 мільёнаў унікальных карыстальнікаў на месяц сачыць за кантэнтам і плаціць зборы наглядным органам. Парушэнне правілаў цягне штраф у памеры да 6% ад штогадовага сусветнага абароту кампаніі. Паўторнае парушэнне пагражае забаронай на дзейнасць на тэрыторыі ЕС.
Чытайце таксама:
Як правільна пачысціць смартфон пры перасячэнні мяжы
Telegram аднавіў працу ботаў украінскай разведкі
Расійскі блогер прадаў юзернэйм @pavel за $80 тысяч. Пакупнік падарыў яго Паўлу Дураву
