Чэхія не разглядае іншых версій выбухаў боепрыпасаў, акрамя дзеянняў Расіі

Чэшскія спецслужбы і паліцыя не маюць іншых версій выбухаў на складах боепрыпасаў у Врбеціцы ў 2014 годзе, акрамя датычнасці да іх расійскага ГРУ. Пра гэта заявіў віцэ-прэм'ер, міністр унутраных спраў Чэхіі Ян Гамачак у нядзелю ў эфіры Чэшскага тэлебачання.

«Версія ў следства толькі адна. Паліцыя працуе толькі над расійскім следам. За выбухам стаяць супрацоўнікі расійскай ваеннай разведкі ГРУ, а менавіта падраздзялення 29155. Іншай версіі няма», — сказаў кіраўнік МУС.

Каментуючы словы міністра справядлівасці Марыі Бенешавай аб тым, што версій ёсць «некалькі», віцэ-прэм'ер адзначыў, што такія заявы «іграюць на руку камусьці іншаму, а не Чэхіі».

NN.by

Хочаш падзяліцца важнай інфармацыяй
ананімна і канфідэнцыйна? Пішыце рэдактару
«Нашай Нівы» ў ТГ

0

0

0

0

0

0