Па артыкуле «акт тэрарызму» затрыманы былы следчы Яўген Юшкевіч
Не выходзіць на сувязь былы следчы Яўген Юшкевіч. Яго дзяўчына піша, што ля дома яго чакала міліцыя.
Цяпер Юшкевіч затрыманы па артыкуле 289 Крымінальнага кодэкса («акт тэрарызму»).
25 лістапада ён быў затрыманы па крымінальнай справе і быў прызнаны палітвязнем. 4 снежня меру стрымання замянілі на падпіску аб нявыездзе.
Месяц таму падчас допыту невядомыя корпаліся ў машыне, на якой Юшкевіч прыехаў у СК.
Чытайце таксама. Былы топ-следчы пра рэаліі работы СК: як працуе, што баліць і як змяніць да лепшага
Нагадаем, былога следчага Яўгена Юшкевіча затрымалі ў Мінску 25 лістапада. Адразу яго змясцілі ў ІЧУ на Акрэсціна. З яго адвакаткі ўзялі падпіску аб неразгалошванні. 27 лістапада стала вядома, што Яўгену Юшкевічу інкрымінуюць частку 1 артыкула 342 Крымінальнага кодэкса (Арганізацыя і падрыхтоўка дзеянняў, якія груба парушаюць грамадскі парадак, або актыўны ўдзел у іх). Яго перавялі ў СІЗА-1 на вуліцы Валадарскага ў Мінску.
