Юрысту Фонду Навальнага Любові Собаль далі год выпраўленчых работ умоўна
Юрыст расійскага Фонду барацьбы з карупцыяй Любоў Собаль прызнаная вінаватай па крымінальнай справе аб парушэнні недатыкальнасці жылля. Ёй прызначаны ўмоўны тэрмін — адзін год папраўчых работ з утрыманнем 10% заробку ў даход дзяржавы, паведамляе meduza.io.
Выпрабавальны тэрмін па прысудзе складае адзін год. Увесь гэты час Собаль павінна адзначацца ў крымінальнай інспекцыі. У выпадку парушэнняў умоўны тэрмін будзе зменены на рэальны.
Пасля абвяшчэння прысуду Любоў Собаль сказала: «Якая ганьба і сорам!» Яна заявіла, што будзе абскарджваць рашэнне суддзі.
⚡️Приговор по моему уголовному делу о попытке поговорить с отравителем Навального Константином Кудрявцевым:
виновна, исправительные работы сроком на 1 год
Тем временем дело о покушении на жизнь Навального по-прежнему даже не возбуждено. #свободуНавальномуpic.twitter.com/O6NPDEhIxe
«Кватэрную справу» супраць Собаль распачалі пасля таго, як 21 снежня 2020 года яна прыехала да кватэры супрацоўніка ФСБ Канстанціна Кудраўцава — раней гэты чалавек у тэлефоннай размове з Аляксеем Навальным фактычна пацвердзіў, што палітыка спрабавалі атруціць рэчывам з групы «Навічок».
Пацярпелым бокам па справе выступала цешча супрацоўніка ФСБ Галіна Субоціна. Яна сцвярджала, што Собаль адштурхнула яе і ўварвалася ў кватэру. Сам Кудраўцаў не праходзіў па справе ні сведкам, ні пацярпелым, паколькі следству не ўдалося ўстанавіць яго месцазнаходжанне.